പത്തനംതിട്ട : സാമൂഹികപ്രവർത്തക ഡോ. എം. എസ്. സുനിലിന്റെ നേതൃത്വത്തിൽ വിവിധ സ്ഥലങ്ങളിൽ നിർമ്മിച്ചു നൽകപ്പെട്ട ഭവനങ്ങളിലെ തെരഞ്ഞെടുക്കപ്പെട്ട കുടുംബങ്ങളുടെ ഉന്നമനത്തിലേക്കുള്ള തുടർ പ്രവർത്തനങ്ങളുടെ ഭാഗമായി പത്തനംതിട്ട മുനിസിപ്പൽ ടൗൺ ഹാളിൽ വെച്ച് നടത്തപ്പെട്ട കുടുംബസംഗമവും നന്മ വിരുന്ന് പദ്ധതിയും നഗരസഭാ ചെയർമാൻ അഡ്വ.സക്കീർ ഹുസൈൻ ഉദ്ഘാടനം നിർവഹിച്ചു.
പ്രസ്തുത ചടങ്ങിൽ ദുബായ് ദിശയുടെ സഹായത്താൽ 110 കുടുംബങ്ങൾക്ക് ഭക്ഷ്യ ധാന്യ കിറ്റുകൾ നൽകുകയും ഉന്നത വിദ്യാഭ്യാസത്തിനു നിവൃത്തിയില്ലാതെ പഠനം മുന്നോട്ടു കൊണ്ടുപോകുവാൻ കഴിയാതെ വന്ന വിദ്യാർത്ഥിക്ക് അൻപതിനായിരം രൂപ സ്കോളർഷിപ്പ് ആയി നൽകുകയും ചെയ്തു. ചടങ്ങിൽ പ്രൊജക്റ്റ് മാനേജർ കെ. പി. ജയലാൽ, ടിയാരാ ബോബൻ, വിഘ്നേഷ് നാഥ്, ആര്യ. സി.എൻ, ഹരിത എന്നിവർ പ്രസംഗിച്ചു.
