ഡല്ഹി : ഗുസ്തി താരവും സഹോദരനും വെടിയേറ്റു മരിച്ചെന്ന വാര്ത്ത വ്യാജം. താനും സഹോദരനും ജീവിച്ചിരിപ്പുണ്ടെന്ന് ദേശീയ ഗുസ്തി താരം നിഷ ദാഹിയി വീഡിയോ സന്ദേശത്തിലൂടെ വ്യക്തമാക്കി. താന് സുഖമായിരിക്കുന്നുവെന്നും പുറത്തു വരുന്ന വാര്ത്തകള് തെറ്റാണെന്നുമാണ് അവര് പറയുന്നത്. ഹരിയാനയിലെ സോനിപത്തിലെ സുശീല്കുമാര് അക്കാദമിയില്വച്ചാണ് താരത്തിന് വെടിയേറ്റെന്നാണ് റിപ്പോര്ട്ടുകള് വന്നത്. താരവും സഹോദരനും മരിച്ചെന്നും അമ്മ ഗുരുതരാവസ്ഥയിലാണെന്നും നാട്ടുകാര് സുശീല്കുമാര് അക്കാദമി കത്തിച്ചുവെന്നുമായിരുന്നു വാര്ത്ത.
