റാന്നി: കേന്ദ്രസർക്കാരിന്റെ തൊഴിലാളി വിരുദ്ധ നയങ്ങൾക്കെതിരെ സംയുക്ത ട്രേഡ് യൂണിയന്റെ നേതൃത്വത്തിൽ ഫെബ്രുവരി 12-ന് നടത്തുന്ന ദേശീയ പണിമുടക്കിന്റെ പ്രചരണാർത്ഥം റാന്നി മണ്ഡലത്തില് നടത്തിയ വാഹന പ്രചരണജാഥ സി.പി.എം ജില്ലാ സെക്രട്ടറി രാജു എബ്രഹാം എക്സ് എം.എല്.എ ഉദ്ഘാടനം നിര്വ്വഹിച്ചു. തൊഴിലാളി വിരുദ്ധ ലേബർ കോഡുകൾ പിൻവലിക്കുക, മഹാത്മാഗാന്ധി തൊഴിലുറപ്പ് പദ്ധതി പുനഃസ്ഥാപിക്കുക, തൊഴിലാളി ദ്രോഹ നടപടികൾ അവസാനിപ്പിക്കുക,
പൊതുമേഖലാ ഓഹരി വിൽപ്പനയും ആസ്തി വിൽപ്പനയും അവസാനിപ്പിക്കുക തുടങ്ങിയ വിവിധ ആവശ്യങ്ങള് ഉന്നയിച്ചാണ് പണിമുടക്ക്.
കെ.എന് ബാലന് അധ്യക്ഷത വഹിച്ചു. ജാഥാ ക്യാപ്ടന് കെ.കെ സുരേന്ദ്രന്, വൈസ് ക്യാപ്ടന് എം.വി പ്രസന്നകുമാര്, മാനേജര് വി.കെ സണ്ണി, എല്.ഡി.എഫ് കണ്വീനര് ജോജോ കോവൂര്, എസ്.ആര് സന്തോഷ് കുമാര്, ബിനോയ് കുര്യാക്കോസ്, സന്തോഷ് കെ.ചാണ്ടി, ജിതിന് രാജ്, ടി.എന് ശിവന്കുട്ടി, കെ.കെ മധു, സി.ടി കുര്യാക്കോസ്, തെക്കേപ്പുറം വാസുദേവന്, ജോര്ജ് മാത്യു, സി.എസ് ഷിനു, സതികുമാരി, ശോഭന, സിന്ധു, ശോഭന എന്നിവര് പ്രസംഗിച്ചു.
