കുവൈത്ത് സിറ്റി : കുവൈത്തില് ലിഫ്റ്റില് കുടുങ്ങി മലയാളി യുവാവിന് ദാരുണാന്ത്യം. മലപ്പുറം ചമ്രവട്ടം സ്വദേശി ഷാഫി ആണു മരണമടഞ്ഞത്. ഇന്നലെ രാത്രി 8 മണിയോടെ മംഗഫില് ആണ് സംഭവം നടന്നത്. മംഗഫിലെ ബ്ലോക്ക് 4 ലെ ബക്കാല ജീവനക്കാരനായ ഇദ്ദേഹം അപകടം സംഭവിച്ച കെട്ടിടത്തില് ഹോം ഡെലിവറിക്കായി എത്തിയതായിരുന്നു. ഇദ്ദേഹം കയറിയ ലിഫ്റ്റിന്റെ പ്രവര്ത്തനം നിലച്ചതിനെ തുടര്ന്നാണു അപകടം ഉണ്ടായത്. അഗ്നി രക്ഷാസേന എത്തിയാണു മൃതദേഹം പുറത്തെടുത്തത്. മൃതദേഹം ഫോറന്സിക് പരിശോധനക്കായി മോര്ച്ചറിയിലേക്ക് മാറ്റി.
