സൌദി അറേബ്യ : ഹൃദയാഘാതം മൂലം പത്തനംതിട്ട സ്വദേശി ബുറൈദയിലെ ഇന്ഡസ്ട്രിയല് സിറ്റിയില് മരിച്ചു. പത്തനംതിട്ട സ്വദേശി ജോണ് പന്നിവിഴ (56) ആണ് മരിച്ചത്. വ്യാഴാഴ്ച രാവിലെ താമസസ്ഥലത്തുവെച്ച് ദേഹാസ്വാസ്ഥ്യം അനുഭവപ്പെട്ടതിനെ തുടര്ന്ന് സുഹൃത്തുക്കളെ വിവരം അറിയിച്ച് ആശുപത്രിയിലേക്ക് പോകാന് തയ്യാറെടുക്കുന്നതിനിടെ കുഴഞ്ഞു വീഴുകയുമായിരുന്നു.
26 വര്ഷമായി പ്രവാസിയായ ജോണ് ഇന്ഡസ്ട്രിയല് സിറ്റിയിലുള്ള ഒരു സ്വകാര്യ കമ്പിനിയില് അലുമിനിയം ഫാബ്രിക്കേഷന് ജീവനക്കാരനായിരുന്നു. ഭാര്യ – ജിജി ജോണ്, മക്കള് – സിബി ജോണ് ജേക്കബ്, സിനി എല്സ ജോണ്. മൃതദേഹം നാട്ടിലേക്ക് കൊണ്ടുപോകുവാനുള്ള നടപടിക്രമങ്ങള് പൂര്ത്തിയായിവരുന്നു.