തിരുവനന്തപുരം : നിയമസഭാ തെരഞ്ഞെടുപ്പിലെ എന്.സി.പി. സ്ഥാനാര്ത്ഥികളെ പ്രഖ്യാപിച്ചു. കുട്ടനാട്, ഏലത്തൂര്, കോട്ടക്കല് എന്നീ മണ്ഡലങ്ങളിലാണ് ഇത്തവണ എന്.സി.പി. സ്ഥാനാര്ത്ഥികള് മത്സരിക്കുക. കുട്ടനാട്ടില് മുന് എം.എല്.എ. തോമസ് ചാണ്ടിയുടെ അനുജന് തോമസ് കെ. തോമസാണ് എന്.സി.പി. സ്ഥാനാര്ത്ഥി. മന്ത്രി എ.കെ. ശശീന്ദ്രന് ഇത്തവണയും ഏലത്തൂരില് നിന്നുതന്നെ ജനവിധി തേടും. കോട്ടയ്ക്കലില് എന്.എ.മുഹമ്മദ് കുട്ടിയാകും സ്ഥാനാര്ഥി.
സംസ്ഥാന കമ്മിറ്റിയുടെ തീരുമാനം ദേശീയ നേതൃത്വം അംഗീകരിച്ചതോടെയാണ് സ്ഥാനാര്ത്ഥി പ്രഖ്യാപനം നടത്തിയത്. എന്.സി.പി. കഴിഞ്ഞ ഉപതെരഞ്ഞെടുപ്പില് മത്സരിച്ച പാലാ സീറ്റ് ഇത്തവണ ഇടതുമുന്നണി കേരള കോണ്ഗ്രസ് ജോസ് കെ. മാണി വിഭാഗത്തിനു നല്കി.
