കോട്ടയം: കോട്ടയത്ത് നീറ്റ് പരീക്ഷാ കേന്ദ്രത്തിനെതിരെ പരാതിയുമായി രക്ഷിതാക്കള്. ചാന്നാനിക്കാട് ശ്രീനാരായണ പബ്ലിക്ക് സ്കൂളിനെതിരെയാണ് രക്ഷിതാക്കള് രംഗത്ത് വന്നത്. ഉച്ചക്ക് 1:50 ഓടെയാണ് മുഴുവന് വിദ്യാര്ത്ഥികളെയും പരീക്ഷാ കേന്ദ്രത്തില് കയറ്റിയത് എന്നാണ് രക്ഷിതാക്കളുടെ ആരോപണം. ഇത് കുട്ടികളുടെ കൂള് ഓഫ് ടൈം നഷ്ടമാക്കി എന്നും രക്ഷിതാക്കള് ചൂണ്ടിക്കാട്ടി.
പരീക്ഷാ കേന്ദ്രത്തില് പരീക്ഷ ആരംഭിച്ചത് 148 കുട്ടികളുടെ ബയോമെട്രിക് രജിസ്ട്രേഷന് നടപടികള് പൂര്ത്തിയാക്കാതെയാണ്. അതുകൊണ്ട് പരീക്ഷ വീണ്ടും നടത്തണമെന്ന് രക്ഷിതാക്കള് ആവശ്യപ്പെട്ടു. ഉച്ചയ്ക്ക് രണ്ട് മണി മുതല് 5.20 വരെയാണ് പരീക്ഷാസമയം. ഉച്ചയ്ക്ക് ഒന്നരയ്ക്ക് മുന്പ് വിദ്യാര്ത്ഥികള് പരീക്ഷാ കേന്ദ്രങ്ങളില് പ്രവേശിക്കണം എന്നാണ് ചട്ടം. ഇതിന് ശേഷം എത്തുന്നവര്ക്ക് പരീക്ഷാ കേന്ദ്രങ്ങളില് പ്രവേശനം അനുവദിക്കില്ല. എന്നാല് 1:50 ഓടെയാണ് മുഴുവന് വിദ്യാര്ത്ഥികളെയും പരീക്ഷ കേന്ദ്രത്തില് കയറ്റിയത് എന്നാണ് രക്ഷിതാക്കളുടെ ആരോപിക്കുന്നത്.
