പത്തനംതിട്ട: തിരുവല്ലയില്‍ വയോധികയെ അയല്‍വാസി കുത്തി പരിക്കേല്‍പ്പിച്ചു.ഗുരുതരമായി പരിക്കേറ്റ അമ്മണിയെ കോട്ടയം മെഡിക്കല്‍ കോളേജ് ആശുപത്രിയിൽ പ്രവേശിപ്പിച്ചു. പ്രതി സജിയെ പോലീസ് കസ്റ്റഡിയില്‍ എടുത്തു.രാവിലെ പതിന്നൊരയോടെയാണ് കേസിന് ആസ്പദമായ സംഭവം. മാധവശ്ശേരില്‍ അമ്മിണിയെ അയല്‍വാസിയായ സജിയാണ് കുത്തി പരിക്കേല്‍പ്പിച്ചത്.
പ്രതി സജി മുമ്പും കൊലപാതക കേസില്‍ ജയില്‍ ശിക്ഷ അനുഭവിച്ചിട്ടുണ്ട്. ശിക്ഷാ കാലാവധി കഴിഞ്ഞ് അടുത്തിടെയാണ് സജി ജയിലില്‍ നിന്ന് പുറത്തിറങ്ങിയത്. ഈ കേസുമായി ബന്ധപ്പെട്ടുള്ള തര്‍ക്കമാണ് അക്രമത്തില്‍ കലാശിച്ചതെന്നാണ് പോലീസ് കരുതുന്നത്. അക്രമിക്കാന്‍ സജി എത്തിയപ്പോള്‍ അമ്മിണിയും കണ്ണിന് കാഴ്ചയില്ലാത്ത ഭര്‍ത്താവ് തമ്പിയും മാത്രമാണ് വീട്ടിലുണ്ടായിരുന്നത്.
സംഭവശേഷം അളവില്‍ പോയ പ്രതി സജിയെ പുളിക്കീഴ് പോലീസ് അറസ്റ്റ് ചെയ്തു. ഇയാള്‍ക്ക് മാനസിക പ്രശ്‌നം ഉണ്ടോ എന്നും പോലീസ് സംശയിക്കുന്നുണ്ട്. സ്വന്തം പിതാവിനെ തലക്കടിച്ച്‌ കോന്ന കേസിലാണ് സജി ജയില്‍ ശിക്ഷ അനുഭവിച്ചത്. സംഭവ സ്ഥലത്തെത്തിച്ച്‌ തെളിവെടുപ്പ് നടത്തിയ ശേഷം പ്രതിയെ കോടതിയില്‍ ഹാജരാക്കി റിമാന്റ് ചെയ്തു.
