തിരുവനന്തപുരം : അമ്മയില് നിന്നും കുഞ്ഞിനെ വേര്പ്പെടുത്തി ദത്ത് നല്കിയ സംഭവത്തില് പി.എസ്. ജയചന്ദ്രനെതിരെ സി.പി.എം നടപടി. ജയചന്ദ്രനെ പാര്ട്ടിയുടെ എല്ലാ ചുമതലകളില് നിന്നും ഒഴിവാക്കാന് പേരൂര്ക്കട ലോക്കല് കമ്മിറ്റി യോഗത്തില് തീരുമാനo. പാര്ട്ടിക്ക് അവമതിപ്പ് ഉണ്ടാക്കിയ നടപടിയാണ് ജയചന്ദ്രന്റെ ഭാഗത്തു നിന്ന് ഉണ്ടായതെന്നും യോഗം വിലയിരുത്തി. ഇക്കാര്യം ഏരിയ കമ്മിറ്റിയില് അവതരിപ്പിച്ച് അംഗീകാരം വാങ്ങും. ഏരിയ കമ്മിറ്റിയും വിഷയം അന്വേഷിക്കും.
ഇതോടെ പാര്ട്ടി നടപടിയില് പ്രതികരിച്ച് രംഗത്തെത്തിരിക്കുകയാണ് അനുപമ. അച്ഛനെതിരെ പാര്ട്ടി നടപടിയെടുക്കുന്നതില് സന്തോഷമുണ്ടെന്നും തെറ്റ് ചെയ്തവര്ക്കെതിരെ നടപടി എടുക്കണമെന്നും അനുപമ പറഞ്ഞു. പാര്ട്ടിക്ക് മാനക്കേടുണ്ടാക്കിയത് അച്ഛനാണ്. കുറ്റം ചെയ്ത മറ്റുള്ളവര്ക്കെതിരെയും നടപടിയെടുക്കണമെന്ന് അനുപമ പ്രതികരിച്ചു.
ജയചന്ദ്രനെതിരെ നടപടിയെടുക്കണമെന്ന് കമ്മിറ്റിയില് പങ്കെടുത്ത ഭൂരിപക്ഷം പേരും അഭിപ്രായപ്പെട്ടു. ദത്ത് വിഷയത്തില് കുറച്ച് കൂടി ജാഗ്രത ജയചന്ദ്രന് കാണിക്കേണ്ടതായിരുന്നു. അമ്മ അറിയാതെ കുട്ടിയെ ദത്ത് നല്കിയത് നിയമവിരുദ്ധമായ പ്രവര്ത്തനമാണെന്നും അംഗങ്ങള് നിലപാടെടുത്തു. യോഗതീരുമാനങ്ങള് ഏരിയ കമ്മിറ്റിയെ അറിയിക്കുമെന്ന് ലോക്കല് കമ്മിറ്റി യോഗത്തിനുശേഷം ജില്ലാ സെക്രട്ടേറിയറ്റ് അംഗം കെ.സി.വിക്രമന് പറഞ്ഞു. വൈകിട്ട് 3 മണിക്കാണ് ഏരിയ കമ്മിറ്റിയോഗം.
