റാന്നി : ആധുനിക സൗകര്യങ്ങളോടുകൂടിയ റാന്നി ബ്ലോക്ക് പഞ്ചായത്ത് കോണ്ഫറന്സ് ഹാളിന്റെ ഉദ്ഘാടനം ബ്ലോക്ക് പഞ്ചായത്ത് പ്രസിഡന്റ് ഗിരിജാ മധു നിര്വഹിച്ചു. റാന്നി ബ്ലോക്ക് പഞ്ചായത്തിന്റെ 2020-2021 വര്ഷത്തെ പദ്ധതിയില് ഉള്പ്പെടുത്തി 20 ലക്ഷം രൂപ വിനിയോഗിച്ചാണ് കോണ്ഫറന്സ് ഹാളിന്റെ നിര്മ്മാണം പൂര്ത്തീകരിച്ചത്. ആധുനിക സൗകര്യങ്ങളോടുകൂടിയ മുറിയില് മൈക്ക്, ലൈറ്റ്, കസേര ഉള്പ്പെടെ സജ്ജീകരിച്ചിട്ടുണ്ട്.
ഉദ്ഘാടന ചടങ്ങില് റാന്നി ബ്ലോക്ക് പഞ്ചായത്ത് വൈസ് പ്രസിഡന്റ് ആന്സണ് തോമസ്, വികസനകാര്യ സ്റ്റാന്ഡിംഗ് കമ്മറ്റി ചെയര്പേഴ്സണ് ഓമന ശ്രീധരന്, ക്ഷേമകാര്യ സ്റ്റാന്ഡിംഗ് കമ്മറ്റി ചെയര്മാന് കെ.ഉത്തമന്, ആരോഗ്യ-വിദ്യാഭ്യാസ ചെയര്പേഴ്സണ് വിബിന് മാത്യു, ബ്ലോക്ക് പഞ്ചായത്ത് അംഗങ്ങളായ അഡ്വ.ചിഞ്ചു അനില്, ലത സുരേഷ്, മിനു എബ്രഹാം, ബിനോയി കുര്യാക്കോസ്, ജേക്കബ് വളയംപള്ളി, രാജന് നീറപ്ലാക്കന്, മേഴ്സി പാണ്ഡിയേത്ത്, ഷാനു സലീം, ബ്ലോക്ക് പഞ്ചായത്ത് സെക്രട്ടറി രാജശേഖരന് നായര് എന്നിവര് പങ്കെടുത്തു.
