തിരുവനന്തപുരം : കോവിഡ് മാനദണ്ഡങ്ങള് ലംഘിച്ച്, സിപിഎം സമ്മേളനം നടത്തിയാതായി റിപ്പോര്ട്ട്. തിരുവനന്തപുരം നെയ്യാറ്റിന്കര ചെങ്കല് കാരിയോടില് ജില്ലാ സെക്രട്ടറി ആനാവൂര് നാഗപ്പന്റെ നേതൃത്വത്തില് ഇന്നലെയായിരുന്നു സമ്മേളനം. ബിജെപി യില് നിന്നും സി പി എമ്മിലേക്ക് എത്തിയ പ്രവര്ത്തകരെ സ്വീകരിക്കുന്ന പരിപാടിയിലാണ് മാനദണ്ഡങ്ങള് ലംഘിച്ച് പ്രവര്ത്തകര് തടിച്ചു കൂടിയത്. 100 ലേറെ ആളുകളാണ് പങ്കെടുത്തത്. നെയ്യാറ്റിന്കര എം എല് എ കെ ആന്സലനും പങ്കെടുത്തിരുന്നതായി റിപ്പോര്ട്ടില് പറയുന്നു.
പാറശാല ചെങ്കല് പ്രദേശങ്ങളില് ക്ലസ്റ്ററുകള് രൂപപ്പെടുന്നുവെന്നു മുഖ്യമന്ത്രി തന്നെ നേരത്ത പറഞ്ഞിരുന്നതാണ്. കോവിഡ് വ്യാപന നിയന്ത്രണവുമായി ബന്ധപ്പെട്ട് ചുമതല പൂര്ണമായും പോലീസിനെ ഏല്പിച്ചിട്ടും നടപടി സ്വീകരിച്ചില്ലെന്നു പരാതിയും ഉയര്ന്നിട്ടുണ്ട്.
