കൊച്ചി: പോപ്പുലര് ഫ്രണ്ട് നേതാക്കളെ കൊച്ചി എന്ഐഎ കോടതിയില് ഹാജരാക്കിയവേളയില് അന്വേഷണ ഉദ്യോഗസ്ഥരുടെ ദൃശ്യങ്ങള് ബന്ധുക്കള് പകര്ത്തി. പ്രതികളെ കാണാന് കോടതി പരിസരത്തു പ്രവേശിച്ച ബന്ധുക്കളാണ് എന്ഐഎ ഉദ്യോഗസ്ഥരുടെ ചിത്രങ്ങള് പകര്ത്തിയത്. സംഭവത്തില് പ്രതിഭാഗത്തെ കോടതി താക്കീതു ചെയ്തു.
നിരോധിത സംഘടനയായ പോപ്പുലര് ഫ്രണ്ട് ഓഫ് ഇന്ത്യയുടെ അറസ്റ്റിലായ അഞ്ച് നേതാക്കളുടെ കസ്റ്റഡി അപേക്ഷ പരിഗണിക്കുമ്പോഴാണ് സംഭവം. പ്രതികളായ കരമന അഷ്റഫ് മൗലവി, യഹിയ കോയ തങ്ങള്, അബ്ദുല് സത്താര്, കെ.മുഹമ്മദ് അലി, സി.ടി.സുലൈമാന് എന്നിവരെ കാണാനെത്തിയ ബന്ധുക്കള് കോടതിയിലെത്തിയ ഉദ്യോഗസ്ഥരുടെ ചിത്രങ്ങള് മൊബൈല് ഫോണുകളില് പകര്ത്തുകയായിരുന്നു. പ്രതികളെ പിന്നീട് 3 ദിവസത്തെ എന്ഐഎ കസ്റ്റഡിയില് വിട്ടു.
