ഡൽഹി : ശിവമോഗാ ഐസിസ് ഗൂഢാലോചന കേസിൽ ഒരാൾക്കെതിരെ കൂടി എൻഐഎ കുറ്റപത്രം സമർപ്പിച്ചു. രണ്ട് പേർക്കെതിരെ അധിക കുറ്റം ചുമത്തിയിട്ടുണ്ട്. അർഫാൻ അലിയെന്ന കുറ്റവാളിക്കെതിയാണ് പുതിയ കുറ്റപത്രം സമർപ്പിച്ചിരിക്കുന്നത്.കേസിൽ മുഹമ്മദ് ഷാരിഖ്, മാസ് മുനീർ അഹമ്മദ് എന്നിവർക്കെതിരെ അധിക കുറ്റം ചുമത്തുകയും ചെയ്തതായി എൻ ഐ എ പ്രസ്താവനയിൽ പറയുന്നു.
ഭീകര സംഘടനകളായ ലഷ്കർ ഇ തൊയ്ബ, ഇസ്ലാമിക് സ്റ്റേറ്റ്, താലിബാൻ സംഘടനകളെ പിന്തുണച്ച് ചുമരെഴുത്ത് നടത്തിയ കേസിലാണ് പ്രതികൾക്കെതിരെ കൂടുതൽ കുറ്റങ്ങൾ ചുമത്തിയിരിക്കുന്നത്. കേസിൽ 2023 ലാണ് അറഫാത്തിനെ എൻഐഎ അറസ്റ്റ് ചെയ്തത്. കെനിയയിൽ നിന്ന് മടങ്ങിവരവെ വിമാനത്താവളത്തിൽ വച്ചാണ് ഇയാൾ പിടിയിലാകുന്നത്.
