മലപ്പുറം : പൊതുയിടങ്ങള് സ്വന്തമാക്കാന് വണ്ടൂരിലും രാത്രി നടന്ന് സ്ത്രീകള്. ബ്ലോക്ക് പഞ്ചായത്ത് വൈസ് പ്രസിഡന്റ് കെ.കെ.സാജിത ഉദ്ഘാടനം ചെയ്തു. 10.30ഓടെയാണ് അമ്പതോളം വരുന്ന സ്ത്രീകള് ജംഗ്ഷനിലെത്തിയത്. മെഴുക് തിരി തെളിയിക്കല്, ജംഗ്ഷനില് ഒത്തുചേരല് എന്നിവയുണ്ടായി. നാലു സംഘങ്ങളായി തിരിഞ്ഞ് ജംഗ്ഷനിലെ നാലു റോഡിലൂടെയും നടന്ന സ്ത്രീകള് തിരിച്ചെത്തി അനുഭവങ്ങള് പങ്കുവെച്ചു.
പലര്ക്കും ഇത് നവ്യാനുഭമായി. പൊതുയിടം സ്വന്തമാക്കാനും സ്ത്രീകള്ക്ക് നേരെയുള്ള അതിക്രമങ്ങള് തടയാനും വനിതാ ശിശു വികസന വകുപ്പാണ് രാത്രി നടത്തം സംഘടിപ്പിച്ചത്. പഞ്ചായത്ത് ക്ഷേമകാര്യ സ്ഥിരംസമിതി ചെയര്പേഴ്സന് കെ. തസ്നിയാബാനു അധ്യക്ഷത വഹിച്ചു. സി.ഡി.പി.ഒ കെ.എം. ജയഗീത, ഐ.സി.ഡി.എസ് സൂപ്പര്വൈസര് കെ. വിനോദിനി തുടങ്ങിയവര് നേതൃത്വം നല്കി.
