നിലമ്പൂര് : ഷൈബിന് പ്രതിയായ കേസില് ഡെന്സുയും ഹാരിസും കൊല്ലപ്പെട്ടതാണെന്ന് പോസ്റ്റ്മോര്ട്ടം റിപ്പോര്ട്ട്. അബുദാബിയിലെ ഇരട്ട കൊലപാതകവുമായി ബന്ധപ്പെട്ട് കേരളത്തില് മൃതദേഹാവശിഷ്ടങ്ങള് പുറത്തെടുത്ത് നടത്തിയ പോസ്റ്റ്മോര്ട്ടങ്ങളുടെ ഫലം പോലീസിന് ലഭിച്ചു. കൊലപാതകമാണെന്ന് സ്ഥിരീകരിക്കുന്നതാണ് റിപ്പോര്ട്ടുകളെന്ന് സൂചന. കോഴിക്കോട്ടെ പ്രവാസി വ്യവസായി തത്തമ്മപറമ്പില് ഹാരിസ്, സാമൂഹ്യ പ്രവര്ത്തക ഡെന്സി എന്നിവരെ കൊലപ്പെടുത്തി യതാണെന്ന് മൈസൂരുവിലെ പാരമ്പര്യ വൈദ്യന് ഷാ ബാ ഷരീഫ് വധക്കേസിലെ കൂട്ടുപ്രതികളുടെ വെളിപ്പെടുത്തലുകളുടെ അടിസ്ഥാനത്തിലാണ് വീണ്ടും പോസ്റ്റുമോര്ട്ടം നടത്തിയത്.
