തിരുവനന്തപുരം: ചുഴലിക്കൊടുങ്കാറ്റിന്റെ പശ്ചാത്തലത്തില് തമിഴ്നാട്ടിലേക്കുള്ള ബുധനാഴ്ചത്തെ ആറു ട്രെയിന് സര്വീസുകള് റദ്ദാക്കി. കൊല്ലം – ചെന്നൈ എഗ്മോര് അനന്തപുരി സ്പെഷ്യല്, ചെന്നൈ – കൊല്ലം അനന്തപുരി സ്പെഷ്യല് , ചെങ്കോട്ട മധുരൈ വഴിയുള്ള കൊല്ലം – ചെന്നൈ എഗ്മോര്, ചെന്നൈ-കൊല്ലം എഗ്മോര് എന്നീ സ്പെഷ്യല് ട്രെയിനുകള് പൂര്ണമായും റദ്ദ് ചെയ്തു.
ടിക്കറ്റ് തുക പൂര്ണമായും തിരിച്ചു നല്കും. ഇ-ടിക്കറ്റിന് റീഫണ്ട് തുക അക്കൗണ്ടിലെത്തും. റെയില്വേ സ്റ്റേഷനുകളില് ബുക്ക് ചെയ്ത ടിക്കറ്റുകള് 15 ദിവസത്തിനകം മടക്കി നല്കി തുക കൈപ്പറ്റാവുന്നതാണ്. അതേസമയം ബംഗാള് ഉള്ക്കടലില് രൂപപ്പെട്ട നിവാര് ചുഴലിക്കാറ്റ് നാളെ ഉച്ചയോടെ തമിഴ്നാട് തീരം തൊടുമെന്നാണ് മുന്നറിയിപ്പ്. തമിഴ്നാട്, പുതുച്ചേരി, ആന്ധ്ര തീരങ്ങളില് അതീവജാഗ്രതാ നിര്ദേശം നല്കി. വടക്കന് തമിഴ്നാട്ടില് സ്ഥിതി രൂക്ഷമാകുമെന്നാണ് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്.