തിരിവനന്തപുരം: വീഡിയോകളും ചിത്രങ്ങളും വ്യാജം. നിയമസഭാ കയ്യാങ്കളിക്കേസില് കുറ്റം നിഷേധിച്ച് പ്രതികൾ. മന്ത്രി വി.ശിവന്കുട്ടി ഉള്പ്പെടെ അഞ്ച് പ്രതികള് തിരുവനന്തപുരം സി.ജെ.എം. കോടതിയില് ഹാജരായി. ഇ.പി.ജയരാജന് ഹാജരായില്ല. കുറ്റപത്രം പ്രതികളെ വായിച്ചുകേള്പ്പിച്ചു. കേസ് 26ലേക്ക് മാറ്റി. കുറ്റപത്രം രാഷ്ട്രീയ പ്രേരിതമാണോ എന്ന് വായിച്ചുകേട്ടശേഷം പറയാമെന്ന് മന്ത്രി വി.ശിവന്കുട്ടി കേടതിയിൽ ഹജരാകാനെത്തിയപ്പോൾ പ്രതികരിച്ചു.
ശിവന്കുട്ടി ഉള്പ്പെടെ ആറു പ്രതികളും ഇന്നു കോടതിയില് ഹാജരാകാനായിരുന്നു നിര്ദേശം. എന്നാല് ഹാജരാകില്ലെന്ന് എല്.ഡി.എഫ്. കണ്വീനര് ഇ.പി.ജയരാജന് പറഞ്ഞു. 2015 ല് കെ.എം.മാണി ബജറ്റ് അവതരിപ്പിക്കുമ്പോള് സഭയ്ക്കുള്ളില് അതിക്രമം നടത്തി രണ്ടരലക്ഷം രൂപയുടെ നഷ്ടം വരുത്തിയെന്നാണ് കേസ്.
