അരൂര് : കോവിഡ് സമൂഹവ്യാപനം ഏറെയുള്ള തീരമേഖലകളില് ആന്റിജന് പരിശോധന കാര്യക്ഷമമാക്കാന് കഴിയാതെ ആരോഗ്യവകുപ്പ്. ആവശ്യത്തിനു മൊബൈല് വാനുകളില്ലാത്തതാണ് പ്രധാന കാരണം. ആകെ രണ്ടു വാഹനമാണുള്ളത്.
പള്ളിത്തോട് മേഖലയില് തിങ്കളാഴ്ച ആന്റിജന് പരിശോധനക്ക് വിധേയരാക്കിയ 47 പേരില് അഞ്ചുപേര്ക്ക് രോഗം സ്ഥിരീകരിച്ചിരുന്നു. ആര്.ടി.പി.സി.ആര് പരിശോധനക്ക് വിധേയരാക്കിയ 31 പേരുടെ ഫലം പിന്നീടെ വരൂ. ഞായറാഴ്ച എഴുപുന്ന മേഖലയില് പരിശോധനക്ക് വിധേയരാക്കിയ 50 പേരുടെയും ഫലം നെഗറ്റീവായിരുന്നു.
