ആലപ്പുഴ : ആലപ്പുഴ നൂറനാട് പ്രഭാത സവാരിക്കാരെ ലോറിയിടിച്ച സംഭവത്തില് മരണം മൂന്നായി. ഗുരുതര പരുക്കേറ്റ് ആശുപത്രിയില് പ്രവേശിപ്പിച്ച രാമചന്ദ്രന് നായരാണ് മരിച്ചത്. പ്രഭാത നടത്തത്തിന് ഇറങ്ങിയ നാല് പേരെയാണ് ഇന്ന് രാവിലെ ലോറിയിടിച്ചത്. ഒരാള് ഗുരുതര പരുക്കുകളോടെ തിരുവല്ല മെഡി.കോളജ് ആശുപത്രിയില് ചികിത്സയിലാണ്. എരുമക്കുഴി രാജു മാത്യു (67), വിക്രമന് നായര് എന്നിവരാണ് മരിച്ച മറ്റ് രണ്ട് പേര്. രാജു മാത്യു തത്ക്ഷണം മരിച്ചിരുന്നു. അശാസ്ത്രീയ റോഡ് നിര്മ്മാണവും റോഡപകടത്തിന് കാരണമാണെന്ന് നാട്ടുകാര് പറയുന്നു. കാല്നടയാത്രക്കാര്ക്ക് നടക്കാന് തീരെ സ്ഥലമില്ലാതെയാണ് റോഡ് ടാര് ചെയ്തത്.
