കോട്ടയം : എയ്ഡഡ് കോളേജ് അധ്യാപക നിയമനത്തില് സര്ക്കാരിനെതിരെ രൂക്ഷ വിമര്ശനവുമായി എന്എസ്എസ് രംഗത്ത്. എയ്ഡഡ് ആര്ട്സ് ആന്റ് സയന്സ് കോളേജിലെ അധ്യാപക നിയമനത്തിനുള്ള സര്ക്കാര് ഉത്തരവിനെതിരെ കടുത്ത എതിര്പ്പാണ് എന്എസ്എസിന്റെ ഭാഗത്തു നിന്നും ഉണ്ടാകുന്നത്.
പുതിയ ഉത്തരവ് തസ്തികകള് ഇല്ലാതാക്കുമെന്നാണ് എന്എസ്എസിന്റെ വാദം . ഉത്തരവ് സര്ക്കാര് പുനപരിശോധിക്കണം. അത് തയ്യാറായില്ലെങ്കില് മറ്റ് വഴികള് തേടേണ്ടി വരും. അധ്യാപക സംഘടനകളുമായോ മാനേജ്മെന്റുകളുമായോ ആലോചിക്കാതെയാണ് ഉത്തരവിറക്കിയതെന്നും എന്എസ്എസ് വിമര്ശിച്ചു . ആഴ്ചയില് 16 മണിക്കൂര് ക്ലാസ് ഉണ്ടെങ്കിലേ പുതിയ തസ്തിക അനുവദിക്കൂ എന്നാണ് ഉത്തരവ്. ഇതോടെ കോളേജ് അധ്യാപക നിയമനത്തിന് അംഗീകാരം കാത്തിരിക്കുന്ന ആയിരത്തോളം പേരാണ് പ്രതിസന്ധിയിലായിരിക്കുന്നത് .
