പന്തളം : പന്തളം സൗഹൃദ റസിഡൻസ് അസോസിയേഷന്റെ നേതൃത്വത്തില് നടന്ന ഓണാഘോഷവും അധ്യാപകര്ക്കുള്ള ആദരവും അസോസിയേഷൻ രക്ഷാധികാരി എൻ.രാമൻ നമ്പൂതിരി ഉദ്ഘാടനം ചെയ്തു. സാംസ്കാരിക സമ്മേളനം സാഹിത്യകാരന് സുരേഷ് പനങ്ങാട് ഉദ്ഘാടനം ചെയ്തു. അസോസിയേഷന് പ്രസിഡന്റ് ജി.കൃഷ്ണമാര് അധ്യക്ഷത വഹിച്ചു. ജോയിന്റ് സെക്രട്ടറി ആര്.സുരേഷ് കുമാര് സ്വാഗതം ആശംസിച്ചു. വിശിഷ്ട സേവനത്തിനുള്ള ട്രാൻസ്പോർട്ട് മെഡൽ ലഭിച്ച കൊല്ലം ആർ.ടി.ഒ കെ.അജിത് കുമാറിനെ ചടങ്ങില് ആദരിച്ചു.
റസിഡൻസ് അസോസിയേഷൻ പരിധിയിലുള്ള ഇരുപതോളം മുന് അധ്യാപകരെയും ആദരിച്ചു. പന്തളം മുൻസിപ്പൽ കൗൺസിലർമാരായ കെ.ആർ.രവി, രശ്മി രാജീവ്, അസോസിയേഷന് മുൻ പ്രസിഡന്റ് ശിവശങ്കരപ്പിള്ള, കെ.ജി ഡാനിയൽ, പ്രിയ മുകേഷ്, അസോസിയേഷൻ ട്രഷറർ വിനോദ് മുകടിയിൽ തുടങ്ങിയവര് പ്രസംഗിച്ചു. തുടർന്ന് വിവിധ കലാപരിപാടികള് നടന്നു. സ്വർണ്ണമ്മ പി.കെ., അനിത സന്തോഷ്, എം.ആർ സജു, അനിൽ മണലാടിയിൽ, ഹരികുമാർ, ഷീല എന്നിവർ പരിപാടികൾക്ക് നേതൃത്വം നൽകി.
