ന്യൂഡൽഹി : ഇന്ത്യയിൽ കോവിഡ് രണ്ടാം തരംഗത്തിന്റെ വ്യാപ്തി കുറയുന്നു. കഴിഞ്ഞ 24 മണിക്കൂറിനിടെ രജിസ്റ്റർ ചെയ്തത് 1.86 ലക്ഷം കേസുകളാണ്. 44 ദിവസത്തിനിടെയുള്ള ഏറ്റവും കുറഞ്ഞ പ്രതിദിന നിരക്കാണിത്. 23.4 ലക്ഷം പേരാണ് നിലവിൽ ചികിൽസയിലുള്ളത്.
കഴിഞ്ഞ 24 മണിക്കൂറിനിടെ 2.59 ലക്ഷം പേര് രോഗമുക്തി നേടിയിട്ടുണ്ട്. 90.34 ശതമാനമാണ് രോഗമുക്തി നിരക്ക്. ആഴ്ചയിലെ പോസിറ്റിവിറ്റി നിരക്ക് 10.42 ശതമാനവും ദിവസേനയുള്ള ടിപിആർ 9 ശതമാനവുമാണ്. തുടർച്ചയായ നാലാം ദിനമാണ് ടിപിആർ 10 ശതമാനത്തിൽ താഴെ തുടരുന്നത്. 20.57 കോടി ജനങ്ങളാണ് ഇതുവരെ വാക്സീൻ സ്വീകരിച്ചിരിക്കുന്നത്. 3660 പേരാണ് ഇന്നലെ മാത്രം രാജ്യത്ത് മരിച്ചത്. ഇതോടെ കോവിഡ് ബാധിച്ചു മരിക്കുന്നവരുടെ എണ്ണം 3.18 ലക്ഷമായി.
