കൊച്ചി: മുന് മുഖ്യമന്ത്രി പിണറായി വിജയന്റെ വസതിയില് റെയ്ഡിനെത്തിയ ഉദ്യോഗസ്ഥരെ ആക്രമിച്ച കേസില് പ്രതികളുടെ ജാമ്യഹര്ജിയെ എതിര്ത്ത് ഇഡി ഹൈക്കോടതിയില്. കേസിലെ ഏഴ് പ്രതികളുടെ ജാമ്യഹരജി ഹൈക്കോടതി നാളെ പരിഗണിക്കാനിരിക്കെയാണ് ഇഡിയുടെ നീക്കം. ഇഡി അന്വേഷണത്തെ തടസ്സപ്പെടുത്താനുള്ള ആക്രമണമാണ് തിരുവനന്തപുരത്ത് നടന്നത്. ഉദ്യോഗസ്ഥരെ ഭയപ്പെടുത്തി പിന്തിരിപ്പിക്കല് ആയിരുന്നു പ്രതികളുടെ ലക്ഷ്യം. പിണറായി വിജയന്റെ വീടിന് മുന്നില് നടന്നത് പ്രകോപനം മൂലമുണ്ടായ ആക്രമണമല്ല.
സമയമെടുത്ത് ആലോചിച്ച ശേഷമാണ് പ്രതികള് പരിശോധന കഴിഞ്ഞ് മടങ്ങുന്ന ഉദ്യോഗസ്ഥരെ ആക്രമിച്ചതെന്നും ഇഡി കോടതിയില് പറഞ്ഞു. ആക്രമണത്തിന് പിന്നില് ഗൂഢാലോചനയുണ്ടെന്നാണ് ഇഡിയുടെ വാദം. ഉദ്യോഗസ്ഥരൈ ആക്രമിക്കുന്നത് ലഘുവായി കാണരുതെന്നും ഇഡി ചൂണ്ടിക്കാട്ടി. ഇഡി ഉദ്യോഗസ്ഥരെ ആക്രമിച്ചതുമായി ബന്ധപ്പെട്ട കേസില് ഒമ്പതാം പ്രതിയായ ഹരീഷിന് മാത്രമാണ് കോടതി ഇതുവരെ ജാമ്യം അനുവദിച്ചിട്ടുള്ളത്.ഹരീഷിന് ജാമ്യം ലഭിച്ചതിനെതിരെ പോലീസും ഇഡിയും രംഗത്തുണ്ട്. ജാമ്യം റദ്ദാക്കണമെന്ന് ആവശ്യപ്പെട്ട് പോലീസും എന്ഫോഴ്സ്മെന്റ് ഡയറക്ടറേറ്റും സംയുക്തമായി ഹൈക്കോടതിയെ സമീപിച്ചിരുന്നു.
