പത്തനംതിട്ട : ഓറഞ്ച് ദി വേൾഡ് ക്യാമ്പയിനിന്റെ ഭാഗമായി ജില്ലാ വനിതാ ശിശു വികസന ഓഫീസും ജില്ലാ ലീഗൽ സർവീസ് അതോറിറ്റിയുമായി ചേർന്ന് PWDV Act- 2005 ന്റെ അവലോകന യോഗം ചേർന്നു. ജില്ലാ വനിതാ ശിശു വികസന ഓഫീസർ ശ്രീമതി. തസ്നിം പി. എസ് സ്വാഗതം ആശംസിച്ചു. ബഹു.പത്തനംതിട്ട ജില്ലാ ജഡ്ജ് കെ. ആർ മധു കുമാർ യോഗം ഉദ്ഘാടനം ചെയ്തു. ജില്ലാ കളക്ടർ ഡോ. ദിവ്യ എസ് അയ്യർ മുഖ്യ അതിഥി ആയി പങ്കെടുത്തു. ജില്ലാ ലീഗൽ സർവീസ് അതോറിറ്റി സെക്രട്ടറി ശ്രീ. ദേവൻ കെ മേനോൻ അധ്യക്ഷത വഹിച്ച ചടങ്ങിൽ ചീഫ് ജുഡീഷ്യൽ മജിസ്ട്രേറ്റ് ശ്രീമതി. കവിത ഗംഗാ ധരൻ മുഖ്യ പ്രഭാഷണം നടത്തി.
ലീഗൽ സർവീസ് സെക്രട്ടറി, ഡിസിആർബി, ഡിവൈഎസ്പി , വനിതാ പ്രൊട്ടക്ഷൻ ഓഫീസർ എന്നിവർ ചർച്ച നയിച്ചു. ജില്ലയിലെ പോലീസ് സ്റ്റേഷനുകളിലെ സ്റ്റേഷൻ ഹൗസ് ഓഫീസർമാരും നിരവധി അഭിഭാഷകരും പരിപാടിയുടെ ഭാഗമായി പങ്കെടുക്കുകയും സജീവമായി ചർച്ചയിൽ പങ്കെടുക്കുകയും ചെയ്തു. ജില്ലാ വനിതാ പ്രൊട്ടക്ഷൻ ഓഫീസർ ശ്രീമതി. താഹിറ ബീവി ചടങ്ങിൽ കൃതജ്ഞത അർപ്പിച്ചു.
