കോന്നി : തൊഴിലില്ലായ്മക്കെതിരെ മതനിരപേക്ഷ ഇന്ത്യയ്ക്കായി ഡിവൈഎഫ്ഐ യുവജന മൂന്നേറ്റം കോന്നി ബ്ലോക്ക് കാൽ നട പ്രചരണ ജാഥ മലയാലപ്പുഴയിൽ സിപിഐ എം ജില്ലാ കമ്മിറ്റി അംഗം അഡ്വ.കെ യു ജനീഷ് കുമാർ എംഎൽഎ ഉദ്ഘാടനം ചെയ്തു. ബ്ലോക്ക് പ്രസിഡൻ്റ് എം അഖിൽ അധ്യക്ഷത വഹിച്ചു. സംസ്ഥാന കമ്മിറ്റി അംഗം എം അനീഷ് കുമാർ, ജില്ലാ കമ്മിറ്റി അംഗങ്ങളായ ജിജോ മോഡി, രേഷ്മ മറിയം റോയി, എന്നിവർ സംസാരിച്ചു.
സിപിഐ എം ഏരിയ കമ്മിറ്റി അംഗങ്ങളായ മലയാലപ്പുഴ മോഹനൻ,സുജാത അനിൽ ,ലോക്കൽ സെക്രട്ടറി എസ് ബിജു, പഞ്ചായത്ത് വൈസ് പ്രസിഡൻ്റ് കെ ഷാജി എന്നിവർ പങ്കെടുത്തു. ജില്ലാ കമ്മിറ്റി അംഗം വി ശിവകുമാർ സ്വാഗതവും മലയാലപ്പുഴ മേഖല പ്രസിഡൻ്റ് വിനീത് വാസുദേവൻ നന്ദിയും പറഞ്ഞു. ശനിയാഴ്ച്ച ഇലക്കുളത്ത് നിന്ന് ആരംഭിക്കുന്ന ജാഥ കോന്നി ബ്ലോക്കിൽ വിവിധ കേന്ദ്രങ്ങളിൽ പര്യടനം നടത്തി ഞായറാഴ്ച്ച വൈകീട്ട് 4ന് നരിയാപുരത്ത് സമാപിക്കും. സമാപന സമ്മേളനം സംസ്ഥാന കമ്മിറ്റി അംഗം എം അനീഷ് കുമാർ ഉദ്ഘാടനം ചെയ്യും.
