പടിഞ്ഞാറ്റോതറ : തൈമറവുംകര വിവേകാനന്ദ ഗ്രാമസേവാസമിതിയുടെ ഓതറ ഗണേശോത്സവം ‘ഗജാനനം 2023’ ഇന്ന് കല്ലൂർക്കുളം വിവേകാനന്ദ നഗറിൽ തുടങ്ങും. രാവിലെ 7.30-നും എട്ടിനും മധ്യേ ആറ്റുപുറത്തില്ലം പരമേശ്വരൻ നമ്പൂതിരിയുടെ മുഖ്യകാർമികത്വത്തിൽ വിഗ്രഹപ്രതിഷ്ഠ, എട്ടുമുതൽ രാമായണ പാരായണം, വൈകീട്ട് ആറിന് ഹരിപ്രസാദ് ഹരിദാസന്റെ പ്രഭാഷണം, 7.30-ന് ഗുരുകൃപാ ഭജനസമിതി, തൈമറവുംകരയുടെ ഭജന. ബുധനാഴ്ച എട്ടുമുതൽ നാരായണീയ പാരായണം, വൈകീട്ട് ആറിന് മിനി ഹരികുമാറിന്റെ പ്രഭാഷണം, 7.30-ന് സോപാനസംഗീതം-ശിവകുമാർ അമൃതകല. ദിവസവും പുലർച്ചെ അഞ്ചിന് ഗണപതിഹോമം, ഒരുമണിക്ക് അന്നദാനം, വൈകീട്ട് 7.15-ന് ദീപാരാധന, രാത്രി ഒൻപതിന് ഭക്ഷണവിതരണം.
21-ന് എട്ടുമുതൽ ഭാഗവതപാരായണം, ആറിന് ബ്രഹ്മചാരി നിഖിലിന്റെ പ്രഭാഷണം, 7.30-ന് ഭജൻസ്-അമൃതാനന്ദമയീമഠം ഭജൻസ് തിരുവല്ല. 22-ന് എട്ടുമുതൽ അഖണ്ഡനാമം, ആറിന് പ്രജീഷ് നിർഭയയുടെ പ്രഭാഷണം, 7.30-ന് കുട്ടികളുടെ കലാപരിപാടികൾ. 23-ന് ഒൻപതുമുതൽ ഗജ ഊട്ട്, ഗജറാണി ഓതറ പാർവതിക്ക് ഗജപൂജ. 10 – ന് സാംസ്കാരിക സമ്മേളനം സിനിമാ നടൻ വിവേക് ഗോപൻ ഉദ്ഘാടനം ചെയ്യും. വി.എച്ച്.പി. ശബരിഗിരി ജില്ലാധ്യക്ഷൻ കെ.എൻ.ഗോപാലകൃഷ്ണൻ അധ്യക്ഷതവഹിക്കും. നർത്തകി അദീന ഭാരതി മുഖ്യാതിഥിയാകും. ഉച്ചയ്ക്ക് രണ്ടിന് ആരംഭിക്കുന്ന വിഗ്രഹ നിമജ്ജനഘോഷയാത്ര പടിഞ്ഞാറ്റോതറ വഴി കുറ്റൂർ തോണ്ടറക്കടവിൽ സമാപിക്കും.