തിരുവനന്തപുരം : എല്ഡിഎഫ് കണ്വീനറായി മുതിര്ന്ന സിപിഎം നേതാവ് ഇ.പി.ജയരാജന് തെരഞ്ഞെടുക്കപ്പെട്ടു. പി.ശശി, മുഖ്യമന്ത്രി പിണറായി വിജയന്റെ പൊളിറ്റിക്കല് സെക്രട്ടറിയാകും. മുഖ്യമന്ത്രിയുടെ പൊളിറ്റിക്കല് സെക്രട്ടറിയായിരുന്ന പുത്തലത്ത് ദിനേശന് ദേശാഭിമാനി ചീഫ് എഡിറ്ററാകും. സിപിഎം സെക്രട്ടേറിയറ്റ് അംഗമായതിനെ തുടര്ന്നാണ് ദിനേശന് ദേശാഭിമാനിയിലേക്കു വരുന്നത്. സംസ്ഥാന സെക്രട്ടേറിയറ്റിന്റെ നിര്ദേശം സംസ്ഥാന സമിതി അംഗീകരിച്ചു.
ടി.എം.തോമസ് ഐസക്കിനു ചിന്ത വാരികയുടെ ചുമതല നല്കും. കൈരളി ചാനലിന്റെ ചുമതല സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന് നല്കി. ഇഎംഎസ് അക്കാദമിയുടെയും എകെജി പഠന ഗവേഷണ കേന്ദ്രത്തിന്റെയും ചുമതല എസ്.രാമചന്ദ്രന് പിള്ളയ്ക്കു നല്കും. പ്രായപരിധി മാനദണ്ഡത്തെ തുടര്ന്ന് പിബിയില്നിന്ന് ഒഴിവായ എസ്ആര്പി നിലവില് കേന്ദ്ര കമ്മിറ്റിയിലെ പ്രത്യേക ക്ഷണിതാവാണ്. രണ്ടാം തവണയാണ് പി.ശശി മുഖ്യമന്ത്രിയുടെ പൊളിറ്റിക്കല് സെക്രട്ടറിയാകുന്നത്. നായനാര് മുഖ്യമന്ത്രിയായിരുന്നപ്പോഴും പൊളിറ്റിക്കല് സെക്രട്ടറിയായിരുന്നു.
