പാലക്കാട് : പാലക്കാട് ആര്എസ്എസ് നേതാവിന് വെട്ടേറ്റതിന് പിന്നില് എസ്ഡിപിഐ എന്ന് ആരോപണം. ആര്എസ്എസ് മുന് ശാരീരിക് ശിക്ഷണ് പ്രമുഖ് ശ്രീനിവാസനെയാണ് വെട്ടിയത്. പാലക്കാട് മേലാമുറിയില് വെച്ചാണ് സംഭവം. ശ്രീനിവാസന്റെ നില ഗുരുതരമായി തുടരുകയാണ്. പിന്നില് എസ്ഡിപിഐ പ്രവര്ത്തകരാണെന്നാണ് ബിജെപി ആരോപിക്കുന്നത്. പ്രതികളെ സംബന്ധിച്ച പ്രാഥമിക വിവരം എസ്ഡിപിഐ പ്രവര്ത്തകരാണെന്ന് ബിജെപി സംസ്ഥാന ജനറല് സെക്രട്ടറി സി.കൃഷ്ണകുമാര് പറഞ്ഞു.
രണ്ടു ബൈക്കുകളിലെത്തിയ സംഘം ശ്രീനിവാസനുണ്ടായിരുന്ന എസ്കെ ഓട്ടോ റിപ്പയര് കടയ്ക്കകത്ത് അതിക്രമിച്ച് കയറിയായിരുന്നു ആക്രമണം. പാലക്കാട് നോര്ത്ത് കസബ സ്റ്റേഷന് പരിധിയാലണ് സംഭവം. പരുക്കേറ്റ ശ്രീനിവാസനെ പാലക്കാട് ജില്ലാ ആശുപത്രിയില് പ്രവേശിപ്പിച്ചു. ഇന്നലെയാണ് ജില്ലയില് എസ്ഡിപിഐ പ്രവര്ത്തനെ കൊലപ്പെടുത്തിയത്. നാടിനേറ്റ ഈ മുറിവ് ഉണങ്ങും മുന്പാണ് മറ്റൊരു കൊലപാതക ശ്രമം.
ഇന്നലെ ഉച്ചയോടെയായിരുന്നു സുബൈര് എന്ന യുവാവിന്റെ കൊലപാതകം. പാലക്കാട് കസബ പോലീസ് സ്റ്റേഷന് പരിധിയില് തന്നെയായിരുന്നു അക്രമം. പിതാവിനൊപ്പം ജുമാ നിസ്കാരം കഴിഞ്ഞ് ബൈക്കില് മടങ്ങിവരുന്നതിനിടെ രണ്ടു കാറുകളിലായെത്തിയ അജ്ഞാതസംഘം സുബൈറിനെ എതിര്വശത്തു നിന്ന് ഇടിച്ചു വീഴ്ത്തി. പുറകിലിരുന്ന പിതാവ് ദൂരത്തേക്ക് തെറിച്ചു വീണു. ഇതിനിടയില് സുബൈറിനെ വെട്ടിക്കൊലപ്പെടുത്തുകയായിരുന്നു. പരുക്കേറ്റ സുബൈറിനെ ജില്ലാ ആശുപത്രിയിലെത്തിച്ചെങ്കിലും മരണപ്പെടുകയായിരുന്നു. പോപ്പുലര് ഫ്രണ്ടിന്റെ എലപ്പുള്ളി ഏരിയാ പ്രസിഡന്റായിരുന്നു കൊല്ലപ്പെട്ട സുബൈര്.
