മലപ്പുറം : മുസ്ലിം ലീഗ് മലപ്പുറം ജില്ലാ പ്രസിഡന്റായി പാണക്കാട് അബ്ബാസലി ശിഹാബ് തങ്ങളെ തെരഞ്ഞെടുത്തു. മുസ്ലിം ലീഗ് മലപ്പുറം ജില്ലാ പ്രവര്ത്തകസമിതി യോഗത്തില് സംസ്ഥാന അധ്യക്ഷന് സാദിഖലി ശിഹാബ് തങ്ങളാണ് പ്രഖ്യാപനം നടത്തിയത്. നിലവില് മുസ്ലിം ലീഗ് മലപ്പുറം മണ്ഡലം പ്രസിഡന്റാണ് അബ്ബാസലി ശിഹാബ് തങ്ങള്.
സാദിഖലി ശിഹാബ് തങ്ങളുടെ പിന്ഗാമിയായാണ് അബ്ബാസലി ശിഹാബ് തങ്ങള് മലപ്പുറം ജില്ല അധ്യക്ഷ സ്ഥാനത്തെത്തുന്നത്. പാണക്കാട് ഹൈദരലി തങ്ങളുടെ നിര്യാണത്തെ തുടര്ന്നാണ് മുസ്ലിം ലീഗ് മലപ്പുറം ജില്ലാ പ്രസിഡന്റും ഉന്നതാധികാര സമിതി അംഗവുമായ സാദിഖലി ശിഹാബ് തങ്ങള് സംസ്ഥാന അധ്യക്ഷനായത്.
