കൊച്ചി : നടിയെ ആക്രമിച്ച കേസിലെ പ്രതിയായ ദിലീപിന്റെ കാര് ക്രൈംബ്രാഞ്ച് കസ്റ്റഡിയില് എടുത്തു. ദിലീപിന്റെ ആലുവയിലെ വീടായ പത്മസരോവരത്തിലെത്തിയാണ് സ്വിഫ്റ്റ് കാര് പിടിച്ചെടുത്തത്. ഗൂഢാലോചനയിലെ തെളിവാണ് ഈ കാറെന്നാണ് അന്വേഷണസംഘം പറയുന്നത്. പള്സര് സുനിയും ദിലീപും ഗൂഢോലോചന നടത്തിയെന്ന് കണ്ടെത്തിയ കാറാണ് കസ്റ്റഡിയിലെടുത്തത്. നേരത്തെ ദിലീപിനെ ചോദ്യം ചെയ്തതില് കാറിനെ കുറിച്ചുള്ള ചോദ്യങ്ങള് ഉണ്ടായിരുന്നു.
എന്നാല് കാര് വര്ക്ക്ഷോപ്പിലാണെന്നായിരുന്നു ദിലീപിന്റെ മറുപടി. പള്സര് സുനിയും ബാലചന്ദ്രകുമാറും 2016ല് സഞ്ചരിച്ചതും ഇതേ കാറിലായിരുന്നു. ഇതേതുടര്ന്നാണ് കേസിലെ പ്രധാന തൊണ്ടിമുതലായ കാര് കസ്റ്റഡിയിലെടുക്കാന് അന്വേഷണം സംഘം തീരുമാനിച്ചത്. വീട്ടില് വെച്ച് ദിലീപ് പള്സര് സുനിക്ക് പണവും കൈമാറിയിരുന്നെന്നും അന്വേഷണസംഘം കണ്ടെത്തിയിരുന്നു.എന്നാല് കാര് ഓടിച്ചുകൊണ്ടു പോകാന് കഴിയാത്ത നിലയാണ് ഉള്ളത്.
