കല്ലൂപ്പാറ : കല്ലൂപ്പാറ ഗ്രാമപഞ്ചായത്തിൻ്റെയും കല്ലൂപ്പാറ സാമൂഹിക ആരോഗ്യ കേന്ദ്രത്തിൻ്റെയും സംയുക്ത ആഭിമുഖ്യത്തിൽ ശൈലി 2.0 ആപ്ലിക്കേഷൻ്റെ പഞ്ചായത്ത്തല ഉത്ഘാടനവും ആശ വർക്കേഴ്സിനുള്ള ഏകദിന പരിശീലന പരിപാടിയും നടത്തി. കല്ലൂപ്പാറ പഞ്ചായത്ത് പ്രസിഡൻ്റ് ഗീത ശ്രീകുമാർ ഉദ്ഘാടനം നിർവഹിച്ചു. ഗ്രാമ പഞ്ചായത്ത് വൈസ് പ്രസിഡൻ്റ് എബി മേക്കരിങ്ങാട്ട് അധ്യക്ഷത വഹിച്ചു. മെഡിക്കൽ ഓഫീസർ ഡോ. മായ ആർ വിഷയാവതരണം നടത്തി. ജിഎച്ഐ സൗമ്യ കെഎസ് സ്വാഗത പ്രസംഗം നടത്തി. ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ മനുഭായ് മോഹൻ ആശംസകളും ജെപിഎച്ച്എൻ ശോഭന കെവി നന്ദിയും അർപ്പിച്ചു. വാർഡ് മെമ്പർമാരായ റെജി ചാക്കോ, ചെറിയാൻ ജെ മണ്ണഞ്ചേരി, ജോളി റെജി, രതീഷ് പീറ്റർ, മെഡിക്കൽ ഓഫീസർ ഡോ. ദീപ മാത്യു, സാമൂഹിക ആരോഗ്യ കേന്ദ്രത്തിലെ മറ്റ് ആരോഗ്യ പ്രവർത്തകർ ആശ വർക്കർമാർ എന്നിവർ പങ്കെടുത്തു. ജിഎച്ഐ അഖില പിഎസ് പരിശീലന പരിപാടിക്ക് നേതൃത്വം നൽകി.
സംസ്ഥാനത്ത് അടിയന്തര പ്രാധാന്യമേറിയ ജീവിത ശൈലി രോഗങ്ങൾ തടയുന്നതിനും നിയന്ത്രിക്കുന്നതിനുമായി സംസ്ഥാന സർക്കാർ വികസിപ്പിച്ചെടുത്ത ശൈലി ആപ്ലിക്കേഷൻ്റെ രണ്ടാം പതിപ്പ് ആണ് ഇത്. വിവര സാങ്കേതികവിദ്യ പ്രയോജനപ്പെടുത്തി പഞ്ചായത്ത് തലത്തിൽ 30 വയസ്സിന് മുകളിൽ പ്രായമുള്ള മുഴുവൻ പേരുടെയും ജീവിതശൈലി രോഗങ്ങളുടെ വിവരങ്ങൾ ശേഖരിച്ച് സ്ക്രീനിംഗ് നടത്തി രോഗപരിശോധനയും തുടർചികിത്സയും നൽകുകയും ആരോഗ്യകരമായ ജീവിതശൈലികൾ പ്രോത്സാഹിപ്പിക്കുകയും ചെയ്യുന്ന പദ്ധതിയാണിത്.
