കോഴിക്കോട് : സമൂഹ മാധ്യമമായ വാട്ട്സാപ്പിലൂടെ അശ്ലീല ചിത്രം പ്രചരിപ്പിച്ചുവെന്ന ആരോപണത്തിന്റെ പശ്ചാത്തലത്തില് കോഴിക്കോട് കൂടരഞ്ഞി പഞ്ചായത്ത് വൈസ് പ്രസിഡന്റ് തോമസ് മാത്യു പദവി രാജി വെച്ചു. സ്ത്രീകള് ഉള്പ്പടെയുള്ള വാട്ട്സാപ്പ് ഗ്രൂപ്പിലേക്ക് തോമസ് മാത്യു അശ്ലീല ചിത്രം പങ്കുവെച്ചതിനെ തുടര്ന്ന് വ്യാപകമായി പ്രതിഷേധമുയര്ന്നിരുന്നു.
സംഭവത്തില് തോമസ് മാത്യുവിനെതിരെ നടപടി സ്വീകരിക്കണമെന്ന് ആവശ്യപ്പെട്ട് കഴിഞ്ഞ ദിവസം യൂത്ത് കോണ്ഗ്രസ് പ്രവര്ത്തകര് ഡിജിപിക്ക് പരാതി നല്കിയിരുന്നു. ഇതേ തുടര്ന്ന് ഇയാള്ക്കതിരെ പോലീസ് കേസെടുത്തു. തോമസ് മാത്യു പഞ്ചായത്ത് വൈസ് പ്രസിഡന്റ് പദവി രാജിവെക്കണമെന്നാവശ്യപ്പെട്ട് കോണ്ഗ്രസ്, യൂത്ത് കോണ്ഗ്രസ്, യൂത്ത് ലീഗ് പ്രവര്ത്തകര് ഗ്രാമപഞ്ചായത്ത് ഓഫീസിന് മുന്നില് പ്രതിഷേധിച്ചു. ഇതേ തുടര്ന്നാണ് അദ്ദേഹം രാജി വെയ്ക്കാന് തീരുമാനിച്ചത്.
