പന്തളം കുപ്പണ്ണൂർ ചാൽ പുനരുദ്ധാരണ പദ്ധതി തടസ്സപ്പെടാൻ കാരണം ഉദ്യോഗസ്ഥ വീഴ്ചയെന്ന് ആരോപണം

പ​ന്ത​ളം: കു​പ്പ​ണ്ണൂ​ർ ചാ​ൽ പു​ന​രു​ദ്ധാ​ര​ണ പ​ദ്ധ​തി ആരംഭത്തിലെ തടസ്സപ്പെടാൻ കാരണം പ​ദ്ധ​തി രൂപവത്കരണത്തിലെ അ​പാ​ക​​ത​യെ​ന്ന ആരോപണം ശക്തമാകുന്നു. കഴിഞ്ഞ മൂ​ന്ന് പ​തി​റ്റാ​ണ്ടാ​യി കൃ​ഷി മു​ട​ങ്ങി​യ കുപ്പ​ണ്ണൂ​ർ ഏ​ലാ​യി​ൽ കൃ​ഷി ആ​രം​ഭി​ക്കാ​ൻ ല​ക്ഷ്യ​മി​ട്ട്​ ആറന്മുള എംഎൽഎ വീ​ണാ ജോ​ർ​ജിന്റെ നി​ർ​ദേ​ശ​ത്തെ തുടർന്നാണ് പദ്ധതി ആ​വി​ഷ്ക​രി​ച്ചത് എന്നാൽ  പ​ദ്ധ​തി​ ആരംഭഘട്ടത്തിൽ തന്നെ മു​ട​ങ്ങി​.

റീ​ബി​ൽ​ഡ് കേ​ര​ള​യി​ൽ ഉ​ൾ​പ്പെ​ടു​ത്തി 2.18 കോ​ടി അ​നു​വ​ദി​ച്ച് ത​യ്യാ​റാ​ക്കി​യ പ​ദ്ധ​തി​യാണിത്.  ഉ​ദ്യോ​ഗ​സ്ഥരുടെ കെടുകാര്യസ്ഥതയാണ് പദ്ധതിയിൽ പാ​ക​പ്പി​ഴ​യു​ണ്ടാ​കാൻ കാരണമെന്നാണ് ആരോപണമുയർന്നിരിക്കുന്നത്. ത​ണ്ണീ​ർ​ത്ത​ട നി​യ​മം ലം​ഘി​ച്ച് കു​പ്പ​ണ്ണൂ​രി​ൽ നാ​ലു​മീ​റ്റ​ർ വീ​തി​യി​ൽ ബ​ണ്ട് നി​ർ​മി​ക്കാ​ൻ പ​ദ്ധ​തി​യി​ൽ പ​ണം അനുവദിച്ചതാണ്  പദ്ധതിയിൽ ആശയകുഴപ്പവും തുടർന്ന് ത​ർ​ക്കവും ഉണ്ടാകാനുള്ള കാരണം.

മെ​ഴു​വേ​ലി പ​ഞ്ചാ​യ​ത്തി​ലെ കു​റി​യാ​നി​പ്പ​ള്ളി​യി​ൽ ​നി​ന്നും ആ​രം​ഭി​ച്ച് കു​ള​ന​ട​യി​ലെ കു​പ്പ​ണ്ണൂ​രി​ൽ അ​വ​സാ​നി​ക്കു​ന്ന ചാലിന് രേ​ഖ​ക​ളി​ൽ നാ​ലു​മീ​റ്റ​ർ വീ​തി​യു​ണ്ടെങ്കി​ലും നി​ല​വി​ൽ അ​ര മീ​റ്റ​റാ​യി ചു​രു​ങ്ങി. ചാ​ൽ പൂ​ർ​വ സ്ഥി​തി​യി​ലാ​ക്കാ​ൻ ലക്ഷ്യ​മി​ട്ട്​ ത​യ്യാറാ​ക്കി​യ പ​ദ്ധ​തി രൂ​പ​വ​ത്​​ക​ര​ണ​ത്തി​ലാ​ണ് പാ​ക​പ്പി​ഴ ഉ​ണ്ടാ​യിരിക്കുന്നത്. എം.​എ​ൽ.​എ​യു​ടെ നിർദേശത്തെ തു​ട​ർ​ന്ന് റീ ​ബി​ൽ​ഡ് കേ​ര​ള​യി​ൽ ഉ​ൾ​പ്പെ​ടു​ത്തി​യ പ​ദ്ധ​തിയുടെ രൂ​പ​വ​ത്​​ക​ര​ണം ന​ട​ത്തി​യ​ത് ചെ​റു​കി​ട ജല​സേ​ച​ന വ​കു​പ്പാ​ണ്.

ഗ്രാമ പ​ഞ്ചാ​യ​ത്തിന്റെ സ​ഹാ​യ​ത്തോ​ടെ​യാ​ണ് പ​ദ്ധ​തി രൂപീകരിച്ചതെന്ന് വകുപ്പ് ഉദ്യോഗസ്ഥർ വ്യക്തമാക്കുന്നു. എന്നാൽ പ​ദ്ധ​തി​യി​ൽ ഒരു കാരണവശാലും ഉ​ൾ​പ്പെ​ടു​ത്താ​ൻ ക​ഴി​യാ​ത്ത ബ​ണ്ട് നി​ർ​മാ​ണം എ​ങ്ങ​നെ ക​ട​ന്നു​കൂടിയെന്നതി​ന് മ​റു​പ​ടി ന​ൽ​കാ​ൻ ഉദ്യോഗസ്ഥർക്ക് സാധിക്കുന്നില്ല. സംഭവം വിവാദമായതോടെ ഈ പ​ദ്ധ​തി​ക്ക് പുതിയ എ​സ്​​റ്റി​മേ​റ്റ് ത​യാ​റാ​ക്കാ​നു​ള്ള ന​ട​പ​ടി​യും ആ​രം​ഭി​ച്ചു. അതേസമയം വ​കു​പ്പ്ത​ല​ത്തി​ൽ അ​ന്വേ​ഷ​ണം ന​ട​ത്തി ബന്ധപ്പെ​ട്ട​വ​രു​ടെ പേ​രി​ൽ ന​ട​പ​ടി​യെ​ടു​ക്കണമെന്ന ആവശ്യം ഉയർന്നുവന്നിട്ടുണ്ട്.