ആലപ്പുഴ: കോവിഡ് നിരീക്ഷണത്തിലിരിക്കെ ആലപ്പുഴ മെഡിക്കല് കോളജ് ആശുപത്രിയില് മരിച്ച യുവാവിന് രോഗം സ്ഥിരീകരിച്ചു. ചെങ്ങന്നൂര് പാണ്ടനാട് സ്വദേശി ജോസ് ജോയി (38) ആണ് മരിച്ചത്. അബുദാബിയില് നിന്ന് കഴിഞ്ഞയാഴ്ചയാണ് ജോസ് ജോയി നാട്ടിലെത്തിയത്. തുടര്ന്ന് ആലപ്പുഴയിലെ കോവിഡ് സെന്ററില് നിരീക്ഷണത്തിലായിരുന്നു.
കരള് രോഗബാധിതനായിരുന്നു. രോഗം വഷളായതിനെ ത്തുടര്ന്ന് ഇന്ന് രാവിലെ മെഡിക്കല് കോളജ് ആശുപത്രിയില് പ്രവേശിപ്പിക്കുകയായിരുന്നു. ഉച്ചക്കു ശേഷം 3 മണിക്കു മരണം സംഭവിച്ചു. തുടര്ന്ന് സ്രവം പരിശോധനയ്ക്ക് അയച്ചിരുന്നു. ഇതോടെ സംസ്ഥാനത്ത് വെള്ളിയാഴ്ച കോവിഡ് ബാധിച്ച് മരിച്ചത് രണ്ടു പേരാണ്.
