തിരുവല്ല: പരിശുദ്ധ പരുമല തിരുമേനിയാൽ സ്ഥാപിതമായ എം.ജി.എം ഹയർസെക്കന്ററി സ്കൂളിൽ ഓർമപ്പെരുന്നാളിന് പാലിയേക്കര സെന്റ് ജോർജ് ഓർത്തഡോക്സ് പള്ളി വികാരി ഫാ. വർഗീസ് മാത്യു കൊടി ഉയർത്തി. നവംബർ ഒന്ന് ശനി (നാളെ) രാവിലെ 7 ന് സുൽത്താൻ ബത്തേരി ഭദ്രാസനാധിപൻ ഡോ ഗീവർഗീസ് മാർ ബർന്നബാസ് മെത്രാപ്പോലിത്ത സ്കൂൾ ചാപ്പലിൽ കുർബാന അർപ്പിക്കും. തുടർന്ന് നടക്കുന്ന കുടുംബസംഗമം സ്കൂൾ കോർഡിനേറ്റർ ഫാ സി വി ഉമ്മന്റെ അധ്യക്ഷതയിൽ ഡോ ഗീവർഗീസ് മാർ ബർന്നബാസ് മെത്രാപ്പോലിത്ത ഉദ്ഘാടനം ചെയ്യും.
വൈകിട്ട് 5:30 ന് സന്ധ്യാനമസ്കാരത്തെ തുടർന്ന് വചന ശുശ്രൂഷക്ക് ഫാ. ഷിനു തോമസ് നേതൃത്വം നൽകും. തുടർന്ന് റാസ. നവംബർ 2 ന് വിശുദ്ധ കുർബാനക്ക് ഫാ. ചെറിയാൻ പി വർഗീസ് നേതൃത്വം നൽകും. നവംബർ 3 രാവിലെ പ്രഭാത പ്രാർത്ഥനയെ തുടർന്ന് പരുമലയിലേക്ക് പദയാത്ര ആരംഭിക്കുമെന്ന് പ്രിൻസിപ്പൽ പി കെ തോമസ്, ഹെഡ്മിസ്ട്രസ് ദീപ മേരി ജേക്കബ്, കൺവീനർ ബിനു ചെറിയാൻ, എന്നിവർ അറിയിച്ചു.
