കാറിടിച്ചു കാല്‍നട യാത്രക്കാരന്‍ മരിച്ചു ; നിര്‍ത്താതെ പോയ വാഹനം പോലീസ് പിടികൂടി

റാന്നി : റോഡ് മുറിച്ച്‌ കടക്കുന്നതിനിടെ കാല്‍നട യാത്രക്കാരന്‍ കാറിടിച്ചു മരിച്ചു. മക്കപ്പുഴ ചേത്തയ്ക്കല്‍ കൊല്ലംപറമ്പില്‍ കെ.കെ.ശങ്കരന്‍ കുട്ടിയുടെ മകന്‍ സന്തോഷ് കുമാര്‍ (56) ആണ് മരിച്ചത്. ബുധനാഴ്ച രാത്രി 10.30 ടെ പ്ലാച്ചേരി ജങ്ഷനു സമീപമാണ് അപകടം. വീട്ടിലേയ്ക്ക് പോവുകയായിരുന്ന സന്തോഷിനെ ഏരുമേലി ഭാഗത്തേയ്ക്ക് പോയ കാര്‍ ഇടിച്ച ശേഷം നിര്‍ത്താതെ പോകുകയായിരുന്നു. പിന്നീട് മുക്കടക്ക് സമീപം കാര്‍ പോലീസ് തടഞ്ഞ് നിര്‍ത്തി കാഞ്ഞിരപ്പള്ളി സ്വദേശിയെ കസ്റ്റഡിയിലെടുത്തു. കാറും പോലീസ് പിടിച്ചെടുത്തു. ഇടിയുടെ ആഘാതത്തില്‍ സന്തോഷ് കുമാര്‍ തല്‍ക്ഷണം മരിച്ചു. റാന്നി പോലീസ് മേല്‍നടപടികള്‍ സ്വീകരിച്ചു.