പത്തനംതിട്ട : കുമ്പഴയിൽ വൃദ്ധയെ കഴുത്തറുത്ത് കൊലപ്പെടുത്തി. കുമ്പഴ സ്വദേശിയായ 92 വയസ്സുള്ള മനയത്ത് ജാനകിയാണ് കൊല്ലപ്പെട്ടത്. സംഭവത്തിൽ വീട്ടു വേലക്കാരനായ മയിൽ സാമി പിടിയിലായി.
ജാനകിയെ കൊലപ്പെടുത്തിയ വിവരം ഇയാൾ തന്നെ അയൽവാസികൾക്ക് പത്രത്തോടൊപ്പം എഴുതി നൽകുകയായിരുന്നു. തുടർന്ന് അയൽവാസികളാണ് സംഭവം പോലീസിനെ അറിയിച്ചത്. മയിൽ സാമിയെ പോലീസ് അറസ്റ്റ് ചെയ്തു.
ഇയാൾ വൃദ്ധയെ കൊലപ്പെടുത്താനുണ്ടായ സാഹചര്യമെന്താണെന്ന് പോലീസ് അന്വേഷിച്ച് വരികയാണ്. മയിൽ സാമിയെ വിശദമായി ചോദ്യം ചെയ്താൽ മാത്രമേ കുടുതൽ വിവരങ്ങൾ ലഭ്യമാകുവെന്നു പോലീസ് പറഞ്ഞു. സംഭവസ്ഥലത്ത് ഫോറൻസിക് വിദഗ്ദർ ഉൾപ്പടെയുള്ളവർ എത്തി പരിശോധന തുടരുകയാണ്.
