പത്തനംതിട്ട : പത്തനംതിട്ട ശബരിമല ഇടത്താവളത്തിൽ നടക്കുന്ന ഓണം ഫെസ്റ്റ് ഒക്ടോബർ 9 വരെ നീട്ടി. മുന് നിശ്ചയപ്രകാരം സെപ്തംബര് 25 ന് ഫെസ്റ്റ് അവസാനിക്കേണ്ടതായിരുന്നു. കഴിഞ്ഞ ദിവസങ്ങളില് വന് ജനത്തിരക്കാണ് ഇവിടെ. ഒരിക്കല് വന്നവര് വീണ്ടും വരുന്നതും തിരക്കിന് കാരണമാകുന്നുണ്ട്.
അതിമനോഹരമായി ഒരിക്കിയിരിക്കുന്ന ഫ്ലവർഷോ, വ്യത്യസ്ത ഇനം പക്ഷികളുടെ ശേഖരവുമായി പെറ്റ്സ് ഷോ, വിലക്കുറവിന്റെ മഹാത്ഭുതം തീർത്തുകൊണ്ട് വ്യാപാര വിപണന സ്റ്റാളുകൾ, കുട്ടികൾക്കും മുതിർന്നവർക്കും ഒരുപോലെ ഉല്ലസിക്കാൻ അമ്യൂസ്മെന്റ് പാർക്കുകൾ, ചിൽഡ്രൻസ് പാർക്കുകൾ, മനസിനെ മായാവിസ്മയത്തിൽ എത്തിക്കുന്ന 16 D ഷോ, കൂടാതെ കമ്പിനികള് നേരിട്ടുനടത്തുന്ന ഫർണിച്ചർ എക്സ്പോ, ഫുഡ് ഫെസ്റ്റ്, എല്ലാം കോർത്തിണക്കി പത്തനംതിട്ട ഓണം ഫെസ്റ്റ് ജനശ്രദ്ധ നേടിക്കഴിഞ്ഞു.
