റാന്നി: റാന്നി ടൗണിൽ പഴവങ്ങാടിക്കര പ്രദേശത്തും പരിസരങ്ങളിലും തെരുവുനായ്ക്കൾ ജനജീവിതത്തിനു ഭീഷണിയാകുന്നു. മാമുക്കിൽ റോഡ് അരികിലെ പണിതീരാത്ത കെട്ടിടമാണ് ഇവ താവളമാക്കിയിരിക്കുന്നത്. മൂന്ന് നിലകളുള്ള കെട്ടിടത്തിൽ രാജകീയമയാണ് താമസം.
ആംബുലൻസിൻെറ ശബ്ദം കേട്ടാൽ ഇവ കൂട്ടമായി കുരക്കും. രാത്രിയായാൽ ചെറുറോഡുകളിലും മറ്റും കൂട്ടംകൂടി നിൽക്കുന്നത് ബൈക്ക് യാത്രക്കാർക്ക് ഭീഷണിയാണ്. പട്ടികളെ പിടികൂടി ജനങ്ങളുടെ സുരക്ഷിതത്വം ഉറപ്പാക്കാൻ പഴവങ്ങാടി ഗ്രാമപഞ്ചയത്ത് അടിയന്തര നടപടി സ്വീകരിക്കണമെന്ന് നാട്ടുകാർ ആവശ്യപ്പെട്ടു.
