മുംബൈ : യുപിഐ ആപ്പുകൾ ഉള്ള മൊബൈലുകളിലേക്ക് ഇപ്പോൾ പേടിഎമ്മിൽ നിന്നും പേമെന്റുകൾ നടത്താം എന്ന് പേടിഎം പേയ്മെന്റ് ബാങ്ക് ലിമിറ്റഡ്. പേടിഎമ്മിൽ രജിസ്റ്റർ ചെയ്തിട്ടില്ലെങ്കിലും ഉപയോക്താക്കൾക്ക് ഇപ്പോൾ എല്ലാ യുപിഐ പേമെന്റ് ആപ്പുകളിലുമുള്ള മൊബൈൽ നമ്പറുകളിലേക്കും പേയ്മെന്റുകൾ നടത്താനാകും. ഇതോടെ ഉപയോക്താക്കൾക്ക് അതിവേഗത്തിലുള്ള തടസ്സമില്ലാത്തതുമായ പേമെന്റ് അനുഭവം ഉറപ്പാക്കാൻ കമ്പനിക്ക് കഴിയും.
പുതിയ തീരുമാനത്തോടെ പേടിഎം ആപ്പ് ഉപയോക്താക്കൾക്ക് സേവന ദാതാവ് ആരാണെന്നത് പരിഗണിക്കാതെ തന്നെ രജിസ്റ്റർ ചെയ്ത യുപിഐ ഐഡിയുള്ള ഏത് മൊബൈൽ നമ്പറിലേക്കും തൽക്ഷണം പണം അയയ്ക്കാനും സ്വീകരിക്കാനും കഴിയും. നാഷണൽ പേമെന്റ് കോർപ്പറേഷൻ ഓഫ് ഇന്ത്യ (എൻപിസിഐ) എല്ലാ പേമെന്റ് സേവന ദാതാക്കളെയും അതിന്റെ യൂണിവേഴ്സൽ ഡാറ്റാബേസ് ആക്സസ് ചെയ്യാനും യുപിഐ പേയ്മെന്റുകൾ പ്രവർത്തനക്ഷമമാക്കാനും പ്രാപ്തമാക്കിയിട്ടുണ്ടെന്ന് പേടിഎം പേമെന്റ് ബാങ്ക് ലിമിറ്റഡ് വക്താവ് പ്രതികരിച്ചു.
പേടിഎമ്മിൽ നിന്നും മറ്റ് യുപിഐ ആപ്പുകളിലേക്ക് എങ്ങനെ പണം അയയ്ക്കാം
1. പേടിഎം ആപ്പിന്റെ ‘യുപിഐ മണി ട്രാൻസ്ഫർ’ വിഭാഗത്തിൽ, ‘യുപിഐ ആപ്പുകളിലേക്ക്’ എന്നതിൽ ക്ലിക്ക് ചെയ്യുക.
2. പണം ആർക്കാണോ അയക്കുന്നത് അവരുടെ യുപിഐ ആപ്പിന്റെ മൊബൈൽ നമ്പർ നൽകുക
3. തുക എത്രയെന്ന് നൽകിയ ശേഷം അയക്കുക എന്നതിൽ ക്ലിക്ക് ചെയ്യുക
ജേര്ണലിസം പഠിച്ചവര്ക്ക് ഇന്റേൺഷിപ്പ്
പ്രമുഖ ഓണ് ലൈന് ന്യൂസ് പോര്ട്ടല് ആയ പത്തനംതിട്ട മീഡിയയില് ജേര്ണലിസം പഠിച്ചവര്ക്ക് ഇന്റേൺഷിപ്പ് ചെയ്യുവാന് അവസരം. പത്തനംതിട്ട ഓഫീസില് ആയിരിക്കും ഇന്റേൺഷിപ്പ് നല്കുക. പരിശീലന കാലത്ത് തങ്ങളുടെ കഴിവ് തെളിയിക്കുന്നവര്ക്ക് Eastindia Broadcasting Pvt. Ltd. ന്റെ കീഴിലുള്ള Pathanamthitta Media , News Kerala 24 എന്നീ ചാനലുകളില് വെബ് ജേര്ണലിസ്റ്റ്, അവതാരകര്, റിപ്പോര്ട്ടര് തുടങ്ങിയ തസ്തികകളില് ജോലി ലഭിക്കുന്നതിന് മുന്ഗണനയുണ്ടായിരിക്കും. താല്പ്പര്യമുള്ളവര് ബയോഡാറ്റ മെയില് ചെയ്യുക. [email protected] കൂടുതല് വിവരങ്ങള്ക്ക് വിളിക്കാം – 94473 66263, 85471 98263, 0468 2333033.