കോഴിക്കോട്: മലബാര് സന്ദര്ശനവുമായി ബന്ധപ്പെട്ട പരിപാടികള്ക്ക് വിലക്ക് ഏര്പ്പെടുത്തിയ എന്ന ആരോപണത്തില് അന്വേഷണം വേണമെന്ന ആവശ്യം ആവര്ത്തിച്ച് ശശി തരൂര്.വിലക്കിന് പിന്നില് ഗൂഢാലോചനയുണ്ടെന്ന കെ മുരളീധരന്റെ ആരോപണം പാര്ട്ടി അന്വേഷിക്കട്ടെ എന്നാണ് തരൂര് പറയുന്നത്. വിലക്കിയിട്ടും കോണ്ഗ്രസിനെ ഇഷ്ടപ്പെടുന്നവര് കേള്ക്കാനെത്തിയെന്നും പ്രതികരിച്ചു. കോഴിക്കോടെ പരിപാടിയില് നിറയെ കോണ്ഗ്രസുകാരുണ്ടായിരുന്നുവെന്ന് പറഞ്ഞ തരൂര് തന്നെ ഭയപ്പെടുന്നത് എന്തിനെന്ന് മറ്റ് നേതാക്കള് പറയട്ടെ എന്നും കൂട്ടിച്ചേര്ത്തു. മാഹി മലയാള കലാഗ്രാമത്തിലെ പരിപാടിയില് പങ്കെടുക്കാനെത്തിയപ്പോഴായിരുന്നു ശശി തരൂരിന്റെ പ്രതികരണം.
വിലക്കിയിട്ടും കോണ്ഗ്രസിനെ ഇഷ്ടപ്പെടുന്നവർ കേൾക്കാനെത്തി ; വിവാദം പാര്ട്ടി അന്വേഷണം നടക്കട്ടെയെന്ന് തരൂർ
RECENT NEWS
Advertisment