പാലക്കാട് : കലാപരാഷ്ട്രീയം കോണ്ഗ്രസ് ഒഴിവാക്കണമെന്നും വികസനം മുടക്കുക എന്നതാണ് കോണ്ഗ്രസിന്റെ ലക്ഷ്യമെന്നും എന്സിപി സംസ്ഥാന പ്രസിഡന്റ പി.സി ചാക്കോ. പാലക്കാട് ഗസാല ഓഡിറ്റോറിയത്തില് നടത്തിയ പത്രസമ്മേളനത്തിലാണ് പി.സി ചാക്കോ ഇക്കാര്യം പറഞ്ഞത്. പ്രശ്നങ്ങളും പ്രകോപനങ്ങളും ഉണ്ടാക്കി വികസനങ്ങള് തടയുകയാണ് കോണ്ഗ്രസിന്റെ ലക്ഷ്യം.
അതൊന്നും വകവെക്കാതെ ധീരതയോടെ വികസനം കൊണ്ടുവന്നതാണ് പിണറായി സര്ക്കാരിന് തുടര് ഭരണം കിട്ടിയതെന്നും അദ്ദേഹം പറഞ്ഞു. ബിജെപി ഇല്ലാത്ത സഖ്യകക്ഷി ഉണ്ടാക്കുക എന്നതു കുടിയാണ് തങ്ങളുടെ ലക്ഷ്യമെന്നും പി.സി ചാക്കോ പറഞ്ഞു. സംസ്ഥാന വൈസ് പ്രസിഡന്റ് ലതിക സുഭാഷ്, ജില്ല പ്രസിഡന്റ് എ.രാമസ്വാമി, നേതാക്കളായ രാജന്, റസാക് മൗലവി, ഓട്ടൂര് ഉണ്ണികൃഷ്ണന് മാസ്റ്റര് എന്നിവരും പത്രസമ്മേളനത്തില് പങ്കെടുത്തു.