പത്തനംതിട്ട : പെൻഷൻ പ്രായം വർദ്ധിപ്പിക്കാനുള്ള സംസ്ഥാന സർക്കാരിൻ്റെ നീക്കം യുവജന സമൂഹത്തോടുള്ള വെല്ലുവിളിയാണെന്ന് യൂത്ത് കോൺഗ്രസ് സംസ്ഥാന നിർവ്വാഹക സമതിയംഗം നഹാസ് പത്തനംതിട്ട ആരോപിച്ചു. അഭ്യസ്തവിദ്യരായ 40 ലക്ഷത്തിൽപരം യുവതി യുവാക്കൾ എംപ്ലോയ്മെൻ്റ് എക്സ്ചേഞ്ചിൽ പേര് രജിസ്റ്റർ ചെയ്ത് തൊഴിലിനു വേണ്ടി കാത്തിരിക്കുമ്പോഴാണ് പെൻഷൻ പ്രായം വർദ്ധിപ്പിക്കാൻ നീക്കം നടത്തുന്നത്. താൽക്കാലിക നിയമനങ്ങൾ പോലും സ്വർത്ഥ്യതാൽപര്യങ്ങൾക്ക് വേണ്ടി ഉപയോഗിക്കുന്ന സംസ്ഥാന സർക്കാർ ഈ നീക്കം നടത്തുന്നത് പ്രതിഷേധാർഹമാണെന്ന് നഹാസ് പത്തനംതിട്ട പറഞ്ഞു.
