ചെങ്ങന്നൂർ: കേരള സംസ്ഥാന ജനകീയ പ്രതിരോധ സമിതിയുടെ ചെങ്ങന്നൂർ താലൂക്ക് പ്രസിഡന്റും ആലപ്പുഴ ജില്ലാ വൈസ് പ്രസിഡന്റും ആയി മൂന്ന് പതിറ്റാണ്ട് കാലം സുശക്തമായ ജനകീയ പോരാട്ടങ്ങൾക്ക് നേതൃത്വം നൽകി സാമൂഹ്യ സാംസ്കാരിക രംഗത്ത് തന്റേതായ സാന്നിധ്യം കൊണ്ട് ധന്യമാക്കിയ ആലാ വാസുദേവൻ പിള്ളയ്ക്ക് കേരള സംസ്ഥാന ജനകീയ പ്രതിരോധ സമിതി ആലപ്പുഴ ജില്ല കമ്മിറ്റി അദ്ദേഹത്തിന്റെ ഭവനത്തിൽ എത്തി അദ്ദേഹത്തിന് ആദരവ് അർപ്പിച്ചു.
സാധാരണക്കാരന്റെ ആരോഗ്യ വിദ്യാഭ്യാസ സംരക്ഷണത്തിന് വേണ്ടിയും മദ്യവിരുദ്ധ പോരാട്ടരംഗത്തും ഒട്ടനവധി ചെറുതും വലുതുമായ സാമൂഹ്യ സാംസ്കാരിക രംഗത്ത് അദ്ദേഹത്തിന്റെ നേതൃത്വപരമായ നിസ്തുലമായ പങ്കിനെ വിലയിരുത്തി കൊണ്ടാണ് ജില്ലാ ജനകീയ പ്രതിരോധ സമിതി അദ്ദേഹത്തിന് ആദരവ് അർപ്പിക്കുവാൻ തീരുമാനിച്ചത്.
ജില്ലാ ജനകീയ പ്രതിരോധ സമിതി പ്രസിഡന്റ് അഡ്വക്കേറ്റ് മാത്യു വേളങ്ങാടൻ പൊന്നാടയണിയിച്ചും മൊമെന്റോ സമർപ്പിച്ചും സമിതിയുടെ ആദരവ് നൽകി. ജില്ലാ സെക്രട്ടറി എസ്.സീതിലാൽ, ജില്ലാ ജോയിന്റ് സെക്രട്ടറി ആർ പാർത്ഥസാരഥി വർമ്മ, താലൂക്ക് സെക്രട്ടറി മധു ചെങ്ങന്നൂർ, ജില്ലാ കമ്മിറ്റി അംഗങ്ങളായ എസ്.സൗഭാഗ്യകുമാരി, ടി.കെ ഗോപിനാഥൻ, പി.വി ജോയി, ടെസ്സി ബേബി, കെ.വിമൽജി, തുടങ്ങിയവർ പ്രസംഗിച്ചു.
