ചെന്നൈ : ജയില് മോചനമാവശ്യപ്പെട്ട് രാജീവ് ഗാന്ധി വധക്കേസ് പ്രതി എ.ജി. പേരറിവാളന് സമര്പ്പിച്ച ഹര്ജി സുപ്രീംകോടതി ഇന്ന് പരിഗണിക്കും. ജസ്റ്റിസ് എല്. നാഗേശ്വര റാവു അധ്യക്ഷനായ ബെഞ്ചാണ് ഹര്ജിയില് വാദം കേള്ക്കുന്നത്. രാജീവ് ഗാന്ധി വധത്തിന് പിന്നില് രാജ്യാന്തര ഗൂഢാലോചനയുണ്ടോയെന്ന് അന്വേഷിക്കണമെന്നും പേരറിവാളന് ആവശ്യപ്പെട്ടിട്ടുണ്ട്.
ബോംബ് നിര്മാണത്തിനായി രണ്ട് ബാറ്ററി എത്തിച്ചുക്കൊടുത്തെന്ന കുറ്റമാണ് പേരറിവാളനെതിരെ ചുമത്തിയത്. പേരറിവാളന് അടക്കം കേസില് ജീവപര്യന്തം കഠിനതടവ് അനുഭവിക്കുന്ന ഏഴ് പ്രതികളെ മോചിപ്പിക്കണമെന്ന് ആവശ്യപ്പെട്ട് തമിഴ്നാട് മുഖ്യമന്ത്രി എം.കെ. സ്റ്റാലിന് നല്കിയ ശുപാര്ശ രാഷ്ട്രപതിയുടെ പരിഗണനയിലാണ്.
