പെരുനാട് : മധ്യവയസ്കന്റെ തലയ്ക്ക് വെട്ടി പരിക്കേൽപ്പിച്ച കേസിലെ പ്രതി പെരുനാട് പോലീസിന്റെ പിടിയിലായി. അത്തിക്കയം ചെമ്പനോലി സ്വദേശിയായ ഈട്ടിക്കൽ വീട്ടിൽ ദേവസ്യ (56) ആണ് അറസ്റ്റിലായത്. പ്രതിയ്ക്ക് മദ്യപിക്കാൻ വെള്ളം ചോദിച്ചിട്ട് കൊടുത്തില്ലായെന്ന കാരണത്താൽ സുഹൃത്തുമായി റോഡരികിൽ സംസാരിച്ച് നിന്നിരുന്ന മധ്യവയസ്കനെ വെട്ടുകത്തി കൊണ്ട് തലയ്ക്ക് വെട്ടി പരിക്കേൽപ്പിക്കുകയായിരുന്നു.
കഴിഞ്ഞ ദിവസം രാത്രി 7.30 യോടെയാണ് സംഭവം. കൃത്യത്തിന് ശേഷം ഒളിവിൽപ്പോയ പ്രതിയെ പെരുനാട് പോലീസ് സ്റ്റേഷൻ സബ്ഇൻസ്പെക്ടർ കുരുവിള സക്കറിയയുടെ നേതൃത്വത്തിൽ എസ്.സി.പി.ഒ വിജേഷ്, സുകേഷ്, സി.പി.ഒ മാരായ സേതു, അബിൽ, ഷഹനാസ് റാംപ്രകാശ് എന്നിവരടങ്ങിയ സംഘം മടന്തമണ്ണിൽ നിന്നും പിടി കൂടുകയായിരുന്നു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
