ആലപ്പുഴ : 1,20,000 രൂപ വില വരുന്ന പേര്‍ഷ്യന്‍ ഇനത്തില്‍പ്പെട്ട പൂച്ചകളെ മോഷ്ടിച്ച കേസില്‍ രണ്ടുപേര്‍ അറസ്റ്റില്‍. കുറവന്‍തോട് മനാഫ് മന്‍സിലില്‍ മുഹമ്മദ് മനാഫ് (20), വണ്ടാനം ചില്ലാമഠം അമീന്‍ (22) എന്നിവരെ സൗത്ത് പോലീസാണ് അറസ്റ്റ് ചെയ്തത്. കഴിഞ്ഞ ദിവസമാണ് കേസിനാസ്പദമായ സംഭവം. ആലപ്പുഴ പള്ളാത്തുരുത്തി വാര്‍ഡില്‍ സലീമിന്റെ വീട്ടില്‍നിന്ന് രണ്ട് പൂച്ചകളെയാണ് പ്രതികൾ മോഷ്ടിച്ചത്. ആലപ്പുഴ സൗത്ത് എസ്.എച്ച്‌.ഒ അരുണ്‍കുമാറിന് ലഭിച്ച രഹസ്യസന്ദേശത്തിന്റെ അടിസ്ഥാനത്തില്‍ നടത്തിയ പരിശോധനയിലാണ് ഇവര്‍ കുടുങ്ങിയത്.
