കോട്ടയം: കോട്ടയം ഡിപ്പോയില് കെഎസ്ആര്ടിസി മുഴുവന് സര്വീസുകളും നടത്തുന്നു. ആകെയുള്ള 60 സര്വീസുകളില് 59 ഉം സര്വീസ് നടത്തി. വൈകുന്നേരം ഒരു സര്വീസ് പുറപ്പെടും. ഇതിനിടെ
ചങ്ങനാശ്ശേരിയില് കെഎസ്ആര്ടിസി സ്റ്റാന്ഡിനു മുന്നില് പോപ്പുലര് ഫ്രണ്ട് ഉപരോധം ഈര്പ്പടുത്തി. സ്വകാര്യ വാഹനങ്ങളും ചരക്ക് വാഹനങ്ങളും നിരത്തിലുണ്ട്. ചില ജില്ലകളില് സ്വകാര്യ ബസുകള് സര്വീസ് നടത്തുന്നില്ല.
പോപ്പുലര് ഫ്രണ്ട് പ്രഖ്യാപിച്ച ഹര്ത്താലില് കര്ശന സുരക്ഷയാണ് പോലീസ് ഒരുക്കിയിരിക്കുന്നത്. ക്രമസമാധാനപാലനത്തിന് ആവശ്യമായ നടപടികള് സ്വീകരിക്കാന് സംസ്ഥാന പോലീസ് മേധാവി അനില് കാന്ത് എല്ലാ ജില്ലാ പോലീസ് മേധാവിമാര്ക്കും നിര്ദേശം നല്കി. അക്രമത്തില് ഏര്പ്പെടുന്നവര്, നിയമലംഘകര്, കടകള് നിര്ബന്ധമായി അടപ്പിക്കുന്നവര് എന്നിവര്ക്കെതിരെ കേസെടുത്ത് ഉടനടി അറസ്റ്റ് ചെയ്യും.
