ന്യൂഡല്ഹി : ആലപ്പുഴയില് പോപ്പുലര് ഫ്രണ്ട് റാലിക്കിടെ പ്രായപൂര്ത്തിയാകാത്ത കുട്ടി വിദ്വേഷ മുദ്രാവാക്യം വിളിച്ച സംഭവത്തില് വിശദീകരണം തേടി ദേശീയ ബാലാവകാശ കമ്മീഷന്. ഈ മാസം 13ന് ആലപ്പുഴ എസ്പിയോട് കമ്മീഷനു മുന്നില് ഹാജരായി വിശദീകരണം നല്കാനാണ് ആവശ്യപ്പെട്ടിരിക്കുന്നത്. മതസ്പര്ധ വളര്ത്തുന്ന വിധം മുദ്രാവാക്യം വിളിച്ച സംഭവത്തില് പോലീസ് കേസെടുത്തിരുന്നു. പ്രാഥമിക അന്വേഷണത്തിനു ശേഷമാണ് ആലപ്പുഴ സൗത്ത് പോലീസ് കേസെടുത്തത്. 153 എ വകുപ്പ് പ്രകാരം മതസ്പര്ധ വളര്ത്തുന്ന കുറ്റം ചെയ്തതിനാണ് കേസ്.
