കൊച്ചി : മുഖ്യമന്ത്രിയുടെ രാജി പ്രതിക്ഷേധം ശക്തം. താലൂക്ക് ഓഫീസ് മാര്ച്ച് നിയന്ത്രിക്കുന്നതിനിടയില് എസിപി കുഴഞ്ഞവീണു. മുഖ്യമന്ത്രിയുടെ രാജി ആവശ്യപ്പെട്ട് സംസ്ഥാനത്ത് ഇന്നും ശക്തമായ പ്രതിഷേധം. കൊച്ചി കണയന്നൂര് താലൂക്ക് ഓഫീസിലേക്ക് യുത്ത് കോണ്ഗ്രസ് പ്രവര്ത്തകര് നടത്തിയ മാര്ച്ചില് സംഘര്ഷമുണ്ടായി.
ഡി സി സിയില് നിന്നാരംഭിച്ച മാര്ച്ച് മഹാരാജാസ് കോളജിന് മുന്പില് ബാരിക്കേഡ് സ്ഥാപിച്ച് പോലീസ് തടഞ്ഞു. പ്രവര്ത്തകര് ബാരിക്കേഡ് മറികടക്കാന് ശ്രമിച്ചതോടെ പോലീസ് ജല പീരങ്കി പ്രയോഗിച്ചു. അതിനിടെ, മാർച്ചിനിടെ കൊച്ചി എസിപി കെ.ലാല്ജി കുഴഞ്ഞ് വീണു. ജനറല് ആശുപത്രിയില് പ്രവേശിപ്പിച്ചു.
